胡小丫

胡小丫 episodes:

• 02.01.2018

  【夜读王佐良】5. 新英格兰的思想气候

  《心智文采》 王佐良随笔 国语朗读

  
• 09.28.2017

  给外婆.见声如面

  给我最最亲爱的外婆～

  
• 07.28.2017

  待你差只想你怕 剧场版 下

  忘情公园真係好大 嚟睇樱花嘅人 特别多 大部分都係情侣 我望住公园两旁嘅樱花树 一直咁行 可能睇得太投入嘅关系 竟然唔小心荡失咗路 于是我谂起你送俾我果个指南针钥匙扣 同埋封信嘅内容 “对唔住 我真係等唔到你返嚟 同你一齐两年 俾唔到咩快乐你 只係不断咁增加你嘅内疚 所以 我选择咗离开 当我唔係你身边嘅时候 万一你荡失路  都希望呢个指南针 可以帮你 揾返 你想要嘅人” 呢个时候 一阵风吹过 我终于亲眼见到 一堆粉红色嘅花瓣 喺我面前飘落嚟 原来 呢个情景真係好靓 好浪漫 可以嘅话 我好想亲口话你知 原来 樱花瓣飘落嚟嘅速度 真係好似你讲咁嘎 每秒钟 五厘米 但係 比起我嘅眼泪流落嚟嘅速度 慢得多 呢一刻 我终于知道 我真正爱嘅人 係边个

  
• 07.26.2017

  【夜读王佐良】4. 才女们

  《心智文采》 王佐良随笔 国语朗读

  
• 07.22.2017

  【夜读王佐良】3. 彭斯之乡沉思录

  《心智文采》 王佐良随笔 国语朗读

  
• 07.19.2017

  待你差只想你怕 剧场版 上

  今年日本嘅天气特别暖 樱花亦都开得特别灿烂 我记得你讲过 樱花瓣飘落嚟嘅速度 係每秒钟五厘米 你觉得好浪漫 好想同我去日本睇一次樱花 我闹你无聊 所以一直都冇同你去 所有人都好羡慕我 可以有一个好似你咁锡我嘅男朋友 无论我对你点过分 呢两年嚟 你都冇对我发过脾气 事实上 喺你身上 我真係稳唔到任何缺点 我之所以对你咁差 其实 係想你离开我 减低我嘅内疚 有日放工 同朋友去饮嘢 你打嚟 仲话等紧我返嚟 提前同我庆祝拍拖两周年纪念 我听完 只係讲咗句“得啦” 就收咗线 果晚返到屋企 餐台上面 除咗两碟冻晒嘅牛扒之外 仲有一个蓝色嘅礼物盒 里面 有一个指南针钥匙扣 同埋 一封信

  
• 07.10.2017

  【夜读王佐良】2. 文学的伦敦，生活的伦敦

  《心智文采》 王佐良随笔 国语朗读

  
• 07.05.2017

  【夜读王佐良】1. 牛津、剑桥掠影记

  《心智文采》 王佐良随笔 国语朗读

  
• 06.05.2017

  大自然在说话－冰 梁朝伟篇

  我係冰 我移动得好缓慢 我曾经令到呢个地球 冰凉清爽 冇错 係曾经 人类不停咁将地球加温 我就不停咁喺度警告你哋 我将自己嘅碎片 揼落大海 你哋又视若无睹 我令海平面上升 你哋又无动于衷 过咗几十年 你哋先至察觉到 或者 我嘅步伐 根本唔算得慢

  
• 05.08.2017

  油尖旺金毛玲

  用一首歌的时间把耳朵叫醒 油尖旺金毛玲 － Serrini 莎妮妮

  
• 04.09.2017

  Tram - Soundwalk 7

  我哋嚟到德辅道嘅路口 喺呢度停低 左边嘅红砖建筑物係西港城 前边就係香港电车站 我哋会坐电车 车费净係几蚊啫 要小心右边有车 过咗两个安全岛 行去等紧你嘅电车度 我哋依家行过安全岛喇 一个 两个 上车 但唔好畀钱住 落车先畀钱 喺电车嘅前门上车 然后行上右边嘅楼梯 搵个前排嘅位 冇错 就系嗰个 坐定 佢话 留低 冇坐呢班车吖 佢把声有啲绝望 我心都碎埋 我喺手袋攞出纸笔 递畀佢 佢呆一呆 一面黯然 然后 哎 咗一声 好快咁写咗个号码 点解我会咁依恋呢个净係识咗一个钟头嘅人呢 我对佢一无所知 点解会发生呢啲事 我好开心 好肯定咁讲 今晚八点半 我会喺茶室同一个位等你 依家我要走喇 byebye 电车开车喇 佢把声喺我脑入边缠绕不散 留低 跟我嚟 我拧转头望住个车站 佢已经唔见咗 我望向德辅道 睇下见唔见到佢 街上嘅路人唔多 但佢已经消失咗 我将个窗拉低 由得风 吹住我块面 佢去咗边呢 路人 街道 高楼大厦 喺我身边轻轻咁流走 嗰晚我去到茶室 决定咗要话畀佢听我嘅身份 仲要问埋佢嘅名 但係佢唔喺度 我喺手袋入边攞出佢写住个电话号码 嗰张纸条 好奇怪 号码已经冇咗色 睇唔清楚 我一路等 等到茶室闩门 佢都冇出现 从此 每一次我返到香港 如果有时间 又觉得好寂寞 就会沿住佢带我行过嘅路 再行一次 喺一间道教嘅纪念堂入边 相入边嘅细佬仔对拜祭佢嘅人凄然咁笑 佢同嗰个男仔真係好似吖 佢嘅名就叫做八十八 依家 到你去探险喇 去搵你嘅挚爱...

  
• 03.12.2017

  Cat Street Market - Soundwalk 6-3

  香港嘅一秒等于New York嘅一分钟 呢个城市唔会慢慢咁重修 而係会将一切移平再重新起过 酒店同铺头就好似雨后春笋咁 起得好快 前边左方就係急庇利街嘅休息处 朝早会有本地人喺呢度耍太极 保持身体壮健 就喺公园后边 你会见到裘记鸟行 喺60至62号 喺呢度停一阵 嗰个男仔指住铺头外边一只紫色尾嘅灰色鹦鹉 话呢只係非洲嘅灰鹦鹉 好黐人嘎 如果要同主人分开 佢就会伤心而死 继续沿住急庇利街落山 依家我地嚟到急庇利街同文咸东街嘅交界 过咗文咸东街嘅马路 然后沿住急庇利街行落去 嗰个男仔嘅爷爷喺日战时期因为营养不良 死咗 全家得翻佢爸爸 后嚟 佢爸爸 就做咗医生 你睇 喺香港繁荣美丽嘅外表下 其实 收埋咗好多鲜为人知嘅悲剧 昂高头 你会见到一个有白色燕子嘅蓝色霓虹招牌 前边左方 就係锦发海味有限公司 喺121至125号 行入去 依家我地嚟到呢间传统嘅铺头 专卖啲稀奇古怪嘅食物 同埋丹药 啲人相信 呢啲嘢 有医疗功效 铺头入边有数之不尽嘅鱼干 海蜗牛 海参 燕窝 同埋鱼翅 我哋穿过间铺头 喺面前另一道门出去外边 我哋依家嚟到急庇利街同永乐街交界 转左 然后沿住永乐街行落去 喺对面嘅马路 你会见到一个大招牌 瑞兴参茸有限公司 90号 入边有班女人坐喺张台隔离 台上边放咗一堆人参 佢哋后边嘅玻璃柜 摆满咗唔同嘅燕窝 嗰啲係中国人最珍贵嘅食材 佢哋会煮啲燕窝嚟食 一直向前行 我哋又返到摩利臣街 转右 沿住摩利臣街行落去

  
• 03.05.2017

  Oscar

  歌单：男神的歌 张智霖 《兵兵》

  
• 02.12.2017

  Cat Street Market - Soundwalk 6-2

  我哋依家嚟到乐古道 先过马路 然后 沿住条巷行 东街 小心左边有车喔 嗰个男仔喺呢度同我讲佢屋企嘅故事 200年前 佢嘅祖先係渔民 住喺鸭巴甸河嘅河岸 喺19世纪中 佢太爷成立咗一间叫ample vintage嘅小贸易公司 英国就贸易同鸦片向中国发起两场战争之后 香港割让咗俾英国 中国要被逼开放六个港口 ample vintage作为举足轻重嘅贸易公司 喺香港同上海大约有十间烟馆 佢爷爷喺士丹利街出世 喺鸦片嘅烟雾中诞生喺烟床上边 我哋嚟到皇后大道中呢条大街 我哋会过马路 然后行入摩利臣街 小心 留意啲灯口 我依家过咗马路喇 你跟唔跟到啊 沿摩利臣街 行落去 就会去到上环区嘅喇 二十年代 英国政府禁止售卖鸦片 所有嘅香港烟馆都被逼结业 上咗鸦片烟瘾嘅爷爷 好快就散尽家财 依家我哋喺摩利臣街同苏杭街嘅交界 转右入咗苏杭街 咁多年嚟 香港呢个地区都无咩大改变 呢度嘅人大部分都係批发商 喺右边 130号 见唔见到兆成行有限公司嘅招牌 喺呢度停一阵 呢间铺头睇落平平无奇 但係佢哋卖嘅香薰油 係全香港最好嘅 连法国南部grasse嘅薰衣草香薰油都有 睇下个架 放满咗蜜蜡 仲有整化妆水同香水嘅其它材料 佢 就喺呢度 细细声话我知 佢中意嗰种香薰嘅神秘配方 我喺手巾仔滴咗一滴麝香同两滴芒果精油 我哋离开兆成行 转右 继续行落苏杭街 跟住喔 喺右边 见唔见到第116到118号米铺 见唔见到嗰啲木箱 闻唔闻到米嘅味道 记住...

  
• 01.15.2017

  Cat Street Market - Soundwalk 6-1

  前边有一条好斜嘅楼梯 行落去 慢慢行 庙祝抬起头 用奇怪嘅眼光望住我 佢问："边个啊？" 我答佢："我个朋友啊 就喺我身后边几步啫嘛" "你朋友？喺边度啊？" 我话："嗰度咯！嗰个男仔咯！" 个庙祝望住我 好似好奇怪咁 "你朋友走咗啦 我答唔到你嘅问题 小姐 咁係无结果嘎 忘记佢啦" 依家你会见到一个路牌 写住摩罗上街 转左到咗摩罗上街 我话："香港有好多鬼嘎 或者我见到嘅都係鬼" 佢仍然都係笑住 但係我好似见到佢嘅眼 有泪光 佢话："人死后 有啲会变成鬼 佢地喺凡间游荡 唔可以安息" 一直向前行 跟唔跟到啊？ 呢度係古董市场 又叫做猫街市场 你可以喺呢度搵到好多唔同嘅旧货 古董 成人公仔 相 同埋明信片 混杂喺毛泽东海报 手表 人像 红书仔 毛语录 同其他共产党嘅艺术品之中 毛主席宜家係中国超红嘅潮流人物 继续搵嘅话 你会见到上海嘅成人艺术品 钱币 珠仔 玉器 颈链 小饰物同埋旧电话 抬头望下 右边有一条由石头同云石铺成嘅楼梯 通去Cat Street Galleries 入口上边有个红色招牌 喺呢度停低 就喺电灯柱隔离 左边係李小龙嘅功夫海报...

  
• 01.07.2017

  一加一

  主播咳到甩肺 讲唔到嘢 呢一期推荐一首歌 大家练下听力先喇 下一期继续Soundwalk Have a nice weekend! 一加一(剧场版) 独白: 男神Eason 演唱: AGA

  
• 11.26.2016

  Man Mo Temple - Soundwalk 5

  前邊左方就係文武廟喇 喺英國人嚟到香港之前 佢就已經係呢度嘅喇 喺呢度停低吖 跟唔跟到阿？ 文武廟嘅入口就喺你正前方 依家我哋入廟喇 穿過嗰道閘入去 依家入廟 你要適應啲煙 入咗去未吖？轉右 然後一直靠右行 喺左邊你會見到掛著一圈圈嘅香 可以點成個月噶 我哋可以寫低自己嘅願望同埋名 然後將啲纸掛喺下邊 依家留意喺右邊有個男人坐喺個柜臺後面 行埋去 你會見到裝著幾百只竹籤嘅木桶 幫我攞個喇 唔使驚 攞喇 唔使錢嘅 攞咗未吖？好 再行入啲 嚟到第一座嘅祭壇前邊 呢座廟 供奉咗兩位神明 一位代表誠實 一位代表正直 文昌帝同埋關帝 啲人會用茶 酒 橙 同埋蘋果作為祭品 每當有大事要神明相助 就會帶隻豬或者雞嚟 但係我哋只要神明幫個小忙 喺祭壇前邊有個紅色跪垫 跪低 跪喺神明面前 默念你好想問嘅問題 你仲未有答案嘅問題 谂到未吖？ 依家一下一下咁搖個簽筒 好快就會有啲竹籤突出來 但係你要確保只有一支會跌喺你面前喔 俾啲耐性 佢會跌出嚟嘅 哎呀 跌出嚟了 执起支竹籤 睇下上邊嘅號碼 記實 依家行去出口 但唔好離開前院喔 我喺前院 你跟唔跟到我吖？ 轉左 一直行 直到你嚟到一道綠色閘嘅前边 經過香爐 繼續行 道閘會帶你去廟祝度 入去喇 左邊有兩位廟祝 近門口嗰個係識講中文 另外一個就識得講英文 俾廿蚊港紙 你就可以问佢問題 但係要知道答案 佢就要知道你竹簽嘅號碼 如果你有嘢想問廟祝 就揿暫停 我會喺度等你 揿暫停就得噶了 問完未吖？得到想要嘅答案未吖？行得未？ 我哋行喇 返去荷裡活道 我同嗰個男仔嚟到呢度嗰陣 求到嘅籤...

  
• 10.07.2016

  Secret Garden - Soundwalk 4-2

  BGM : 南国之舞 依家转左上呢条旧楼梯 呢度就係美轮街 穿过大排档 啲人喺度排紧队等嘅就係一碗番茄蛋汤面 上楼梯 右边仍然有啲印刷公司 每日黄昏 印刷公司啲人就会喺度打麻将 听唔听到啊 呢啲就係真正代表中国嘅声音之一 继续上楼梯 右边係一间艺术画廊 喺美轮街五号 叫做permanent art 老板係我嘅朋友yan ma 行上一楼 嗰度放咗佢嘅收藏品 不如一直行到六楼喽 依家留意 就喺右边砖造花槽后面 黄砖大厦嘅前面 有一条窄巷 转右 入去 依家我哋行落条巷 左边街口有一个叫做阿ben嘅发型师 佢份人好好 每个月嘅第一个同第三个星期六 佢都会播啲好好听嘅jazz同蓝调 继续沿住呢条路行 喺左边 你会见到一位泰国嘅陶艺大师 somluk pantiboo嘅作品 我哋又嚟到另外一条楼梯 前边有另一间当代艺术画廊 amelia johnson 曾经喺香港举行咗好多出色嘅演出 转左 然后行上最后一条楼梯 依家我哋喺楼梯嘅尽头 身处荷李活道 转右 行落荷李活道 喺左边嘅对面马路 睇唔睇到好靓嘅榕树缠住嗰幅古老嘅石墙上面 呢啲树大部分都超过一百岁 榕树能够生存 係因为佢哋有好长嘅气根 能够从空气中吸收水分 佢哋见证咗呢度嘅战争同埋繁荣 我哋喺荷李活道同善庆街交界 过咗善庆街 一路沿住荷李活道落去 过马路之后 你就会见到新一代嘅建筑物 依家横过荷李活道 小心右边嘅车 我喺对面等你 我依家过咗马路喇 你跟唔跟到啊？ 一路沿住荷李活道落去 左方有一间叫做press room嘅欧式餐厅 喺108号 係食午餐同埋晚餐嘅好地方 然后地下嘅係mint 右边挂住一盏珍珠吊灯 係香港嗰啲只招待会员嘅传统会所之一 如果你钟意饮晏昼茶 隔离嘅classified有好靓个芝士 铺头后面嘅酒窖亦都收藏咗唔少美酒 依家继续行 我哋夜啲先饮一杯喇 闻唔闻到啊 係香嘅味道 即係话...

  
• 08.22.2016

  Secret Garden - Soundwalk 4-1

  喺呢度 个男仔从后边挨埋嚟 佢嘅呼吸轻轻抚过我嘅颈背 我感觉到佢心入边嘅渴望 我做咩 我唔知啊 呢种感觉维持咗几耐 我记唔到喇 宜家面向花园 见唔见到花园右边有一条小路 我哋会行嗰条小路 行上右边嘅嗰几格楼梯 依家沿住左面墙幅画离开 花园就喺左手边 佢又话：今日嘅你好静 但係喺梦入边 你同我讲咗好多嘢 仲笑添 我块面即刻红嗮 佢话： 你好开心 你同我一齐我真係好开心 喺左前方 你见唔见到啲老人家玩紧纸牌啊 停低 落楼梯 揾张凳坐低 佢哋会望住你 记得要笑 唔使怕丑嘅 佢哋每日都喺度玩十五胡 当然 都想碰下运气 睇下赢唔赢到钱喽 呢啲老人家都係香港现代历史活生生嘅回忆 佢哋追唔上瞬息万变嘅高科技社会 于是退咗落嚟 无怨无悔咁喺度安安静静咁聚埋一齐 度过晚年 依家抬起头 睇下四周围嘅高楼大厦 第二次世界大战之后 只有5%嘅屋可以住人 你身边嘅摩天大厦仲未出现之前 好多玩纸牌嘅老人家都喺附近自己起啲寮屋嚟住 无几远 有间 club seventeen one 係夜晚消遣嘅好地方 去揾joles 佢会招呼你嘅 嚟 继续行 依家企起身 转身向之前嘅方向行出去 花园喺你嘅右手边 穿过前面嘅巷仔 一直向前行 跟唔跟到啊？ 我哋经过左边一间叫song嘅餐厅 右边係儿童游乐场 依家我哋嚟到鸭巴甸街 过马路 然后向右 沿住鸭巴甸街行落去 以前呢条街将左边嘅唐人区同右边嘅英国人区分开 喺英国人未嚟之前 呢度係一座好斜嘅荒山...

  
• 06.26.2016

  Good Spring Co Ltd - Soundwalk 3

  喺柜台 你会见到啲伙计喺你面前执药 闻唔闻到啊 龟板 蛤蚧 燕窝同埋催情嘅鹿尾巴 仲有听闻会帮助女性怀孕嘅鹿茸 有冇睇到佢哋用传统嘅手称来称药咧？ 喺啲铺头入边 你会见到个医生坐喺木台后面 嗰个男仔嘅爸爸以前都坐喺度 帮人睇病 佢哋会用手指㧺住你嘅手腕把脉 仲会叫你擘大口伸条脷出嚟 佢同我讲 佢阿爸话可以由条脷睇出你嘅身体状况 喺呢度 只要你一直饮佢哋嘅药 就冇病医唔好 柜台对出条街放咗张台 摆满一杯杯嘅凉茶 台上边有三种凉茶係可以拣嘅 第一种係五花茶 係一种黄色嘅清茶 甜甜哋 主治伤风同埋喉咙痛 黑色嘅係廿四味 增强免疫力 参茶係气味好浓嘅黄色茶 对失眠嘅人特别有效 净係五蚊 不妨试一杯阿 揿个暂停制 我会等你 饮完凉茶未啊？ 依家行出药铺 我哋企喺摆咗凉茶台嘅入口 背住药铺 你喺士丹利街 转左 行过阁麟街 沿住士丹利街落山 条扶手电梯就喺我哋嘅头顶上边 依家你行到去 香港中环最后一个街市 你身边嘅係依家所剩无几嘅熟食档 大排档 政府想拆咗呢啲大排档 但係我哋都好钟意呢度 前左方有一间以银色同埋玻璃为主嘅餐厅 转左 行上吉士笠街呢条巷 一直行 穿过大排档啲台 下次你嚟 一定要试下呢度嘅汤 面 云吞同埋牛腩 仲有无论係煎炒煮炸都係咁好食嘅鱼同埋菜 依家我哋喺吉士笠街同威灵顿街嘅交界 右转入威灵顿街 睇下左边嘅楼同埋地铺 都係用木头同埋钢条支撑住 喺呢度停一停 差唔多一百年喇 呢度一啲都冇变 都係卖紧传统嘅食品 睇下笼入边嘅雀仔几得意 佢系唯一嘅非卖品 你依家嚟到威灵顿街同埋嘉咸街嘅交界 转左 上嘉咸街 我哋依家就嚟睇下色彩缤纷 繁华嘅香港 嗰个男仔喺呢度送咗揸花畀我...

  
• 05.29.2016

  Start Walking - Soundwalk 2

  你宜家出咗嚟 喺士丹利街 背向陆羽茶室 前边係正邦大厦 我哋转左 上山 个男仔行我右边 同我一齐行 我闻到一阵好特别嘅麝香味同埋芒果香味 係佢嘅香水 我永远都唔会忘记 眼前所见嘅街道 最旧嘅唔超过一百六十年 佢话我知 佢阿爷以前係卖鸦片嘅 士丹利街大部分嘅 都係鸦片批发商 佢哋间铺头 一楼係办公室 商人都住喺二楼 香港嘅经济神话 就喺鸦片嘅浓烟中展开 其实 香港本来就係指芳香嘅港口 宜家停一停 我哋嚟到砵甸乍街 佢喺香港係最古老嘅街道 见唔见到嗰个车紧衫嘅男人 佢係我朋友周先生 周先生係1947年嚟到香港嘅难民 佢喺砵典乍街 做裁缝已经50年喇 嗰部衣车都陪咗佢35年 依家转左 沿住砵甸乍街 向上行 小心楼梯 啲鹅蛋石好跣 慢慢行 裁缝同卖假发嘅小贩嚟到呢度之前 呢度经常会有脚链嘅声音 当时要起砵典乍街 係为咗连接警局同埋前面嘅监狱 睇下 就喺嗰边 呢啲建筑物依家已经荒废咗 政府想拆嗮佢哋 但係就惹嚟极大嘅反对声音 我哋嚟到街口 眼前係威灵顿街 等阵 睇下右边 呢度曾经係红灯区 夜之女混集之地 当时香港有好多水手 商人同埋探险家 宜家转右 行入威灵顿街 嗰个男仔话俾我听 佢阿爷嘅拍档係美国人 爱上咗一个同佢身份唔配嘅21岁妓女 间妓院搦嗮佢啲钱作为惩罚 佢嘅爱另佢踏上破产之路 最后 佢就喺嗰个妓女张床度自杀死咗 我冇出声 我唔钟意悲惨嘅古仔 个女仔后嚟点样 根本冇人关心佢嘅命运 我哋沿住威灵顿街落山 留心睇下 揾下门牌71-73号 抬头望 有一个雕花嘅红木牌 揾到未？ 入边有一排铁邮箱 揾唔揾到71-73号啊？ 入咗去没？上楼梯啊 嗰个男仔行先 我跟住佢 佢好静 我净係听到我嘅脚步声 突然之间 我感觉到佢嘅体温 令到我觉得好紧张 继续上楼梯 依家面前有道橙色同黑色嘅门 行入去啊 欢迎 依家我哋入咗去 转左 穿过木拱门 入去一间铺咗白色瓷砖嘅大房 停一停先 睇下前边 天花挂住把旧式嘅电风扇 喺度慢慢咁转 睇下前边...

  
• 05.15.2016

  表哥系列 购物篇

  B：嘿！阿香--- A：乜你咁迟嘎？宜家先到…… B：呃!坐地铁阿嘛.....噢，唔係！地铁站维修啊，所以咪塞车咯。 A：得喇，唔好讲咁多喇，点啊，睇下，觉得我条裙点啊？ B：哇，哇！啧啧啧......好高贵啊，好衬（符合，很配）你啲气质啊！唔该，靓女（店员）！ 店员: 老细，有咩可以帮到你哋呢？ B：条裙几银啊？ 店员：噢，你等等吓！！呃，哈，宜家搞活动打四折，先至3898文嗟。 A：哗!好抵啊！！(很值得，性价比很高，很优惠) 店员：，呵呵，梗係啦，我哋宜家搞促销嗟，平时都无可能咁便嘎！ A：你做乜咁嘅样嗟？？我又无话叫你送俾我。 B：阿香，你点可以咁捻我啊？男朋友送礼物俾女朋友，係好正常嘅嗟。若然， 你觉得我配做你男朋友嘅话。 A：噢，我，我，只不过係，身上无cash嗟(现金），爹啲俾我张卡，啱啱又碌爆咗。 B：阿香，你唔使同我争喇。靓女，同我包起佢， A：哇，咁就唔客气喇，唔该，呢堆嘢，全部帮我包起晒佢啦。

  
• 05.12.2016

  那边见

  用一首歌的时间 纪念我的外婆 别后相思空一水 重来回首已三生 外婆 那边见 歌单：那边见 by Swing

  
• 05.03.2016

  烟火 剧场版 （下）

  自从上次北京旅游返嚟之后 唔知点解自己有个冲动去学国语 连我死党阿may都觉得我返嚟之后 D唔咸唔淡嘅国语好咗好多 我唔知系咪希望有一日…… 真係傻喇 初初我哋以为分开之后 大家可以忘记对方 所以都冇交换到联络地址同埋电话 其实真係呃人嘅潇洒 唔知佢台湾个边做紧D乜野？ 有冇谂起我呢？ 有次同埋班朋友去烧野食 睇倒碳炉里面D烟同火 唔知点解流咗眼泪出嚟 阿MAY问我係咪比D烟烟亲只眼 我同佢讲话烟因火而生，但当烟火烧到最红最后，烟就会飘走，火就会熄灭 阿MAY 唔明我讲D乜野，不过佢就话我个番说话同张报纸嘅寻人广告一样 我即刻摞起张报纸嚟睇 上面写住： 烟火虽然暂时熄灭，但係只要一天一天等下去，烟火总有一天重燃 报纸上面仲留咗个香港地址同电话号码添 阿MAY问我做咩无烟仲喺度喊？而睇倒张报纸又会咁开心嘅？ 我话因为我要去打电话，而接电话嘅佢竟然讲起D唔咸唔淡嘅广东话

  
• 04.23.2016

  烟火 剧场版（上）

  第一次嚟到北京玩，仲要係自己一个人 而我只係识得讲地道香港人个啲唔咸唔淡嘅国语 我都算係好大胆 北京呢个地方唔算细 但係我竟然遇见一个男仔好几次 呢一次佢居然走埋嚟自我介绍添 死喇，我都唔知应该讲啲咩野好 原来佢係由台湾嚟嘅，佢仲以为我係本地人 仲赞我比起本地嘅女仔靓得嚟仲摩登啲添 于是我剩返落嚟果个礼拜嘅行程 就係同呢个男仔係埋一齐 一齐去长城上便睇我哋祖国嘅风光 我哋都好陶醉 大家都好似忘记咗香港太平山 同埋台湾阿里山嘅景色 语言已经唔再系我地之间嘅隔膜 但係一个礼拜好快就过咗 佢同我讲咗句说话：我是一缕烟，而你是一团火 佢呢一缕烟就係因为我呢一团火产生 但係我只係可以答佢话： 当烟火烧到最后最后，烟就会飘走，火就会熄灭，而两者都唔再属于呢处地方

  
• 04.12.2016

  任性 剧场版

  当朝夕盼望嘅事终于出现喺你面前，而嗰种感觉竟然唔系你一直想象嘅。 你系咪会问自己，究竟过去一直执着嘅系乜嘢？ 系一个人？定系一直埋藏喺心入面嘅思念？ 你到底系俾呢种思念缠绕住，定系你自己根本唔愿意放手，好想继续沉溺喺呢种感觉当中，用佢嚟麻醉自己。 一个人嘅价值观，有阵时会随着时间同环境改变。 就好似呢个吉他咁，佢冇因为失而复得而返翻去主人嘅身边。 因为佢今时今日嘅价值，已经比唔上一件过重嘅行李。 有啲人忘记自己嘅故事好容易，而有啲人要用一辈子嘅时间去忘记自己嘅故事 而我呢，同一个故事，有人拣新嘅方向去发展，又有人坚持继续行原来嘅路线 轻易放弃算唔算系冇原则呢？抑或唔肯放弃只系个人太执着？ 人生其实就好似一个故事一样，有起承转合。 点样嘅情节？有几好睇，都要自己一步一步咁行出嚟。 未到最后，结局系点，真系冇人知！

  
• 04.06.2016

  Luk Yu Tea House - Soundwalk 1

  Introduction 去陆羽茶室等我啊 地址係中环士丹利街24-26号 我会喺嗰边等你 你一定要坐喺地下嗰层 喺右边揾张台 有镜同木凳嗰种卡位 坐喺嗰幅水墨画下面 Luk Yu Tea House 到咗未 行啦 我等紧你 唔该 帮我叫杯龙井茶 我係Helen 我会带你周围行下 迷失喺我嘅神秘花园入边 你有冇发现周围都係镜啊 伙计行过嗰阵 好似照哈哈镜咁 用伙计俾你嘅白毛巾抹下面 抹下手 跟住就开始饮茶喇 你杯茶嚟咗未啊 你睇下坐喺角落头嗰个王太 风韵犹存 佢以前曾经係粤曲名伶 你细心点睇下 话唔定 会见到佢偷偷哋俾贴士俾啲老伙计 点解？ 因为王太嘅老公瞒住佢包二奶 夜晚就会同二奶嚟呢度 个伙计就会同王太通风报信 董生有冇嚟啊 係唔係坐喺嗰张彩色玻璃下面 睇紧报纸啊？ 自从佢退休 将生意交俾个仔之后 佢就日日都嚟 报纸成为佢同商业世界之间最好嘅桥梁 你睇下 呢度有好多古仔 但係 只有呢度嘅人先至会知道 我嘅故事 发生喺几年前 当时 我就係坐喺你宜家嗰个位 见到张台对面块镜出现咗一个男仔嘅身影 佢坐低喺我后边嘅位 我肯定佢睇唔到我之后 就偷偷咁望住佢 啊 闭喇 佢发现咗我添 我块面红嗮 好快咁望去第度 当我望返转头嗰阵 佢企起身 走埋嚟 就喺我对面坐低咗 我手足无措 想即刻行开 但係就好似旧石咁呆着喺度 佢话 我估你一定系外国人喇 我不识反应 佢又话 你好似荡失路喔 使唔使帮手啊？ 我？喺香港荡失路？点会啊 佢话：我曾晚发梦梦到你 我喺梦入边见到你嘅颈背就好似宜家喺镜入边见到嘅一样 我望住佢身后嗰块镜 打量下自己 我嘅颈背 佢话： 你条颈好靓 然后问：你宜家忙唔忙？有冇时间？我可唔可以带你去一个地方？ 我冲口而出就答咗：可以 佢举手想埋单 苍白嘅手指好似蝴蝶嘅翼咁 摇下摇下 嚟 我哋都埋单 依家就行喇 我喺出边等你

  
• 04.05.2016

  出猫

  A:小明，你考试居然出猫？我离远已经到你喺度依依喐喐喇。 B:我，我边有喔？你睇下，我坐定定喺度，喐都没喐过。 A:咁，你脚底下面，呢张猫纸係边个嘎？唔通係佢自己喺外便飞入嚟嘎？ B:老师，冤枉啊！呢张猫纸唔係我嘎。 A:小明，老实啲，认咗佢喇，老师唔会惩罚你嘅。 B:但，老师，呢张猫纸真係唔係我嘅啵。 A:嗱，小明，我再俾多次机会你，做人就要诚实啲。 B:老师，我好诚实嘅喇，嗱！我张猫纸挤喺裤袋都仲没搦出嚟，今日考试，我捻都无乜需要咯。

  
• 03.30.2016

  缩骨

  A：喂，一场 老友，借啖水嚟饮下嗫。 B:唔制，俾得你饮，岂不是要俾埋其他人饮？ A:借啖水嚟饮都唔得，缩骨到死。 A：喂，大家咁熟，借啲干粮嚟医下肚嗫？ C：噢，唔好意思喔，我只係预咗自己嗰份，无预你份喔。 A:喂，你哋有无搞错啊？一个二个都咁鬼缩骨！ C:切，你出嚟旅游乜都唔带，一味就知道黐饮黐食，你先至喺缩骨

  
• 03.23.2016

  爱得太迟 剧场版（下）

  基：工作 已经占据嗮我所有时间， 　　日做夜做， 　　其实我根本冇可能谂其他嘢， 　　但今个夏天 有啲唔同， 　　我识到Miki， 　　识到佢，係发生喺我身上 最好嘅事， 　　佢令我开始谂多咗 工作以外嘅其他嘢， 　　足足34日 零20个钟，我哋一齐做嘢嘅时间， 　　感觉上 竟然比起我 出嚟做嘢嘅呢两年 更加充实， 　　佢竟然令我觉得，开OT 係一件好开心嘅事。 　　可惜，佢係一个由英国返嚟嘅暑期工， 　　而且 佢而家已经要走喇， 　　如果同佢开始一段感情， 　　我觉得好似 对未来好冇把握… 基：嗯…都够钟喇！ 　　Miki 而家应该喺飞机上面 　　所有嘢 都应该可以告一段落 　　或者 留低个美好回忆都好嘅… 基：喂？你仲未上机噶咩？ ...

  
• 03.19.2016

  爱得太迟 剧场版 （上）

  瑾：Henry，你架PDA又響啦… 基：嗯…係喔 　　够钟打電話去美國 複返個个客先 瑾：你仲未走得啊？ 基：我我我得噶啦，我複埋个個電話得噶啦，你等多我一陣啦 基：啊…Miki呀 瑾：嗯？ 基：你過兩日 返英國咯呵？ 瑾：係呀，唔捨得我啊？ 基：Er少少咁啦…你走咗冇人俾我笑啊嘛 瑾：咦~~~~你咁噶 基：冇打冇打 　　Miki其实，你 今天都last Day，我仲要你开OT，我 其实 几唔好意思嘅 瑾：你依家先唔好意思啊？我成个暑假俾嗮你呀，差唔多日日都同你OT，见你仲多过见我啲Friend呀，我嬲啊 基：Er~~~ 　　係咯，所以… 　　Er我见你咁帮得手啦，Er加上~~你又就嚟走， 　　啊…你睇下，买咗啲嘢俾你喔，Er你睇下钟唔钟意？ 瑾：有嘢送？ 　　哼…咁都好啲… 　　哇好大份喔，Feel落好似T喔… 基：Er~ 瑾：ChEr~真係T，咁易估… 　　咩Print先… 　　I LOVE Hong Kong？？！！好Cheap啊你… 基：咩啊… 　　I LOVE Hong Kong好Cheap咩？唔係啊，Hong Kong一啲都唔Cheap 　　加上我谂住~~~你呢啲 ABC嚟噶嘛，梗钟意呢啲噶嘛 係咪？ 　　其实你睇真件T就唔係写住I LOVE Hong Kong，係I LOVE H K… 瑾：有咩分别啊？ 基：有噶…Well…U Know…My name is Henry Ku 瑾：I LOVE HENRY…咦，我唔会讲落去啊，费事益咗你 基：Er…其实你 记住著就得噶喇 瑾：我拎嚟抹台呀 基：Er~~~ 瑾：我有啲嘢想问你噶 基：唔？ 瑾：唔…你日日同我一齐OT，又关心我，又送嘢俾我咁，你 你係咪钟意咗我呀 基：哇，哇哇哇哇…哇~~哎Er~~~ 　　咁直接我唔识答噶喔 瑾：U Know~ 　　我呢啲外国返嚟嘅ABC係咁嘎啦 基：其实呢… 　　我一直都觉得你 好似我家姐嘅…哈哈哈 瑾：你啲笑话越嚟越唔好笑啦

  
• 02.24.2016

  银行 Part 2

  情景对话 A：哇，点解宜家啲银行好似市场咁嘎？？次次嚟亲都排晒长龙嘅，唉，都唔知要等几耐。 B:你好！请问你要办理咩业务呢？ A:噢，我想将啲定期全部转成活期嗟， B：噢，咁呢啲定期，到咗期没啊？如果没嘅话，蚀利息喔。 A:嗯，我梗知喇，但近牌等钱使啊.况且，啲利息都无有几多嗟。呃，靓女啊，有无一个窗口，可以专门办理呢啲业务嘎？ B:噢，咁你係咪VIP啊？如果係，可以入去VIP室，但都要排下队喔 A:VIP？无喔，不如你帮我开翻张咯。 B:呵呵，呃，咁你搦张“飞”先，去嗰便坐住等叫号啦。

  
• 02.15.2016

  银行 Part 1

  情景对话Part 1 A：王经理，我琴日预约咗，今日过嚟换8000文欧元，唔知宜家有无得挪呢？ B:噢，你就係胡小姐啊？唔好意思啊，唔记得同你讲，总部通知，话从呢个月开始，24小时之内，最多只能换五千文欧元。 A：啊？唔係阿嘛？我呢两日准备飞喇喔，都计划好晒喇，我换8000文嗟，又唔多，乜你哋琴日唔同我讲清楚嘎？ B：唔好意思啊，係我哋疏忽咗！或者我哋今日帮你换五千文先，麻烦你听日再嚟多一次。 A:唉，麻鬼烦啦，好嘥时间嘅嘛，嚟一次来回成个钟，又要排队，真係谷气。 B：得，你宜家吾使排队，我哋帮你换5000文先，听日，直接过嚟揾我就得喇。 A：咁好喇，係喇，你哋银行有咩嘢收益比较好嘅理财产品啊？ B:我哋梗係有啦，等阵入嚟理财室，我叫主管同你介绍下。

  
• 02.03.2016

  揭高条尾

  A：表哥，哎呀，落班喇，过嚟坐过嚟坐，做嘢梗係好辛苦喇，不如，我同你捏两嘢嗫？ B：好啊，好啊，哇，好痛啊。 A：表哥，乜你咁多头皮嘅？不如，我同你做翻个泰式洗头嗫。 B：哎，得喇，想借几多啊，今次？ A：嘿嘿，表哥，你真係醒目嘅嗟，我都没开口问你借，你就清楚晒喔。 B：梗係啦，你个衰仔，你揭高条尾，我就知你想屙屎净係屙尿，想献殷勤，想踱水嗟。

  
• 02.01.2016

  剢背脊

  情景对话： A:霞女，家下公司经济咁紧张，你仲要求加人工？ B:嘻嘻，经理啊，我有充分嘅理由嘎，我做咗一份报告书，只要你睇完佢，就完全明白晒嘎喇。 A：嗯？吓，陈主任经常公车私用？阿李科长喺工作时间外出办私事？阿王组长多次密会我嘅女秘书？ B:係啊，阿经理，只要你呢，适当咁扣减佢哋三个人嘅工资，然后加啲俾我，咁咪得咯，係咪？ A:哦，好啊好啊，你，听日唔使翻工喇，你咁样剢背脊法，容乜易日后剢埋我啊？出去出去

  
• 01.28.2016

  【经典诗歌】《虞美人·春花秋月何时了》

  虞美人·春花秋月何时了 朝代：五代 作者：李煜 春花秋月何时了？往事知多少。小楼昨夜又东风，故国不堪回首月明中。 雕栏玉砌应犹在，只是朱颜改。问君能有几多愁？恰似一江春水向东流。

  
• 01.27.2016

  流口水

  情景对话 A：阿贵哥，你好你好。 B:阿花妹，你好啊。 A：阿贵哥，你成日用啲纱布包住晒只手，係咪学人哋练咏春拳啊？ B：唉，咏咩春拳啊，唔係啊，我係去参加一个厨神速成班，学切餸，可惜我嘅刀法太过流口水啦，堂堂课都切到手指，上咗一个礼拜堂嗟，就切到七只手指喇， A:咦！但，我见你十只手指都包齐嘅喔。 B:呃，因为我要参加呢个刀法考试阿嘛，足足补考咗三次，所以…就 A：哈，呵呵，咁你嘅刀法真係好流口水喔。

  
• 01.19.2016

  似层层

  情景对话： A:阿女啊，你搦住张卡片笑眯眯咁，识咗个富二代啊？ B:唔係啊，老窦，今日我行街嗰阵呢，有一间形象公司，叫我去帮人拍宣传片啊，仲话帮我免费搞形象添啊。 A:阿女，小心嗰啲係呃人嘅公司喔。 B:佢哋仲话啊，当年嘅“四大天王”，宜家嘅TF-Boys，都係佢哋捧红嘎，讲到似层层咁嘎。 A：噢！咁，佢哋係咪仲话，嗌你俾一笔费用做宣传，佢哋包你红过林志玲啊？ B:係啊，老窦，你好呖啊，你咁都知嘅？ A:呵呵，嗰啲呃人嘅说话我都识讲啦，唔讲到似层层，点呃你啲钱落袋啊？傻女嚟嘅

  
• 01.12.2016

  开始恋爱

  男：靓妹，又喺度抽人水吖你。 女：人哋边有喔，原来咧，呢个可爱嘅哥哥囝呢… 　　佢睇唔倒嘢咖，人哋帮下佢之嘛，点算喺抽水喔~ 　　做咩吖，嗑醋吖? 男：扯…你有咁嘅本事咩！！ 女：哼…唔知点解咧,我中意睇倒佢吃醋呢嗰样~! 男：其实次次见亲佢，都好想同佢讲中意佢咖，就唔知点解讲极都讲唔出口！ 女：喂啊…近排咧，发觉咧，我成日都掛住你咖。唔知咧！我喺咪中意咗你咧，不如　我哋拍拖囖。 男：吓~唔喺啩？你讲真咖？ 　　不过我当你讲真咖囖，呢D嘢以后唔好同第二个讲吖，好蚀底咖 女：哼~傻佬……

  
• 01.07.2016

  边有咁大只蛤乸随街跳

  A:婆婆，婆婆，你好啊！ B:咩嘢事啊？ A：我呢度有啲好靓嘅金饰喔，一买一卖，赚好多钱嘅。婆婆，地下有钱包，不如，我地分咗佢喇， B:呵，你喺度做大戏（粤剧）啊？想呃我啲钱，无咁容易，咪使旨意，边有咁大只蛤乸（蛤蟆）随街跳嘎？

  
• 12.23.2015

  珍珠都冇咁真

  A:发达咯，发达咯，我寻晚挖到宋代金元宝啊。 B:吓？！坚定漏嘎？ A：坚过石坚啦，我漏夜摞去俾专家睇，专家话值一百几十万嘎。 B:一百几十万？係真嘎？ A:珍珠都无咁真啊！不过，未等我换到钱呢，我老婆就叫醒我去翻工喇喔。 B:啊？原来你发紧梦嘎？

  
• 12.19.2015

  春望

  春望 朝代：唐代 作者：杜甫 国破山河在，城春草木深。 感时花溅泪，恨别鸟惊心。 烽火连三月，家书抵万金。 白头搔更短，浑欲不胜簪。

  
• 12.19.2015

  虞美人.听雨

  虞美人·听雨 朝代：宋代 作者：蒋捷 少年听雨歌楼上。红烛昏罗帐。 壮年听雨客舟中。江阔云低、断雁叫西风。 而今听雨僧庐下。鬓已星星也。 悲欢离合总无情。一任阶前、点滴到天明。

  
• 12.12.2015

  呷醋 情景对话

  情景对话： A:自从嗰个“rocky”出现咗之后，我老婆啊，成个人都变晒样。 B：係咩？你哋之间有第三者啊？ A：我老婆，晚晚都陪阿rocky行街，仲照顾埋佢嘅三餐一宿啊。直情（简直），将我抛诸脑后。 B:哇，咁真係过份咗啲喔，唔怪之得你（怪不得），成日喺度呷醋啦，咁，讲开又讲，嗰个lcoky係乜水嚟嘎？（是什么东西） A:嗰个rocky啊,就係我屋企新养嘅嗰只狗嘅名咯。 B：乜话？讲咗咁耐，原来你对只狗呷醋啊？

  
• 12.07.2015

  爱在地球毁灭时

  《我和僵屍有個約會Ⅱ》愛在地球毀滅時(永世的緣) 小玲：有一件事 我永远都唔想忘记！所以我录低呢段說話。 　　　我唔想忘记一个人，我唔知点解我唔想忘记佢， 　　　或者应该話 唔知點解我好想永遠都記住佢，就算一分鐘之後 係世界末日，我都想呢個人留喺我心裏面 直至到最後一秒。 　　　雖然我哋係埋一起嘅時間唔多，不過我哋互相關心過，傷心過，分開過，甚至一齊面對過生同死。 　　　但係每一次，我哋都冇放棄過對方，有一句說話，我從來都唔敢同人講，亦都唔敢同自己講，我愛上嘅呢個男人，佢就係…… 小玲：呢度係咩地方呀？ 天佑：係一個可以俾我哋好好休息嘅地方。成個世界 就只得妳同我 小玲：剩係得我哋兩個？ 天佑：係。再冇其他人，冇仇恨，冇眼淚，就只有我哋兩個，馬小玲 小玲：同埋況天佑

  
• 12.06.2015

  上学情景对话 Part 1&2&3

  Part 1 A：杰仔，喇喇声（喇喇淋）（以最快的速度）孭【mie】好个书包啦（把书包背好），仲咪咪摸摸（还如此磨磨蹭蹭），等阵迟到，老师罚你企门口(罚站)，你唔使考试喇。 B: 仲有大把时间，八点半先至（才）开始考试，使乜咁急嗟，我唔想咁早去喔。 A: 咁你带齐啲嘢没啊？眼镜啦，铅笔啦，胶擦（橡皮）啦，圆规啦…… B: 琴晚已经执齐晒喇（全部整理好了），老师话星期五晚开家长会喔，你记得去喇。 Part 2 A：好多谢各位家长抽时间过嚟参加呢个学期嘅家长会，今次嘅会议就到呢度先（就到此为止），会后我哋可以再交流下。 B：麦老师，你好，我係王琳嘅家长，你得唔得闲啊，想同你倾下我嗰女嘅学习情况。 A：噢，可以，咦！今次王琳嘅进步好大喔，各科都达到平均分，喺级嗰度(在全级那里)排名都升咗50名。 B: 嗯嗯，係啊，辛苦晒老师，我嗰女呢就好钟意文科，理科方面就有啲棘手，弱咗啲，我宜家担心佢偏科啊。(陂脚) A：咁，又唔使咁担心嘅，佢学习好自觉，能力都比较强，理科方面呢，建议佢再同科任老师沟通下，揾下啱自己嘅学习方法咯。 B: 嗯嗯，好啊，我已经记低晒各科任老师嘅联系方式嘅喇，唔该晒麦老师，咁唔阻（打搅）你咁多时间喇，迟啲再同你倾啦。 Part 3 A: 请问，你係咪小宇嘅家长啊？ B：喺啊，噢，你係班主任李老师啊，有咩嘢事呢？ A：噢，係咁嘅，小宇今日同隔离班嘅同学打交（打架），嗰个同学受咗啲伤，麻烦你过嚟处理一下。 B: 啊？只衰仔又同人打交？唔好意思啊李老师，我宜家即刻过嚟。 A: 小宇家长，嗱，呢件事就係咁喇，大家都有唔啱，但小宇喐手（动手）打人就肯定要受处分嘎喇。 B: 嗯，我同意老师嘅处理意见，翻去之后我会再教育佢，要佢反醒自己。

  
• 12.06.2015

  谁说我哭

  当佢话俾我听 最近开始拍紧拖嘅时候，我真嘅打咗个冷震。 啊 佢有男朋友啦……佢拍拖啦。 其实我应该好噔佢开心至啱。 我梗係冇将呢种失落嘅表现俾佢见到了。 我虽然係笑住，但喺其实…我心真係好酸，好痛。 突然间我有一种好强烈嘅失落感，有一种希望幻灭嘅感觉。 原来我一直都呃紧我自己，我以为我可以做得到嘅嘢原来係咁难。 每一次，当佢同我分享佢恋爱经历嘅时候，我个心都有一种好难受嘅感觉。 我好尽力咁去掩饰，但係自问我嘅笑容已经变得越嚟越牵强。 我好怕会俾佢发现，於是，只有更用力去掩饰，甚至，我开始回避佢。 其实，佢仲边有咁多时间，理我呢个知己。

  
• 11.29.2015

  睇病 Part 2&3

  Part 2 A：护士，我想问下，成日觉得头痛（痛的程度大点，或者偏头痛）同埋头赤（头轻微的痛，痛感不是很严重），如果睇西医嘅话，睇边个科比较啱啊？ B：噢，痛咗几耐啊？係呢排先至痛呢，定係（还是）痛咗一排喇（一段时间）？ A：断断续续大概都有成个月喇（差不多有一个月）。 B:咁你去挂号处挂个脑外科啦，或者网上挂号预约都得。 Part 3 A:点啊，你边度唔舒服？ B:我琴日开始发烧，今朝一早就肚痛，之后又屙又呕。 A：咁宜家退咗烧没啊？今日一共屙咗几次呢？嚟，过嚟呢边，我帮你检查下先。 B：今日就无烧喇，但屙咗好多次，周身无力（全身乏力），头晕晕。 A：嗯，初步判断你就係重感冒引起嘅肠胃炎，暂时无乜大问题。咁啦，我开两日药比你食住先，再吊一日针，过两日再嚟复诊。 B:啊？要吊针啊？ A：係啊，因为你今日屙咗几次，所以有少少脱水嘅症状。 B:嗯，好嘅，唔该医生。

  
• 11.29.2015

  爱在记忆中找你

  秀风：呢只嘢仲郁得嘎 振邦：试吓妳咪知咯，上车。揽实啊！有架私家车嘞，搭车钱都慳返 秀风：估不到而家连价都识讲喔 振邦：哽係啦，我仲有好多优点架，慢慢发掘啦 秀风：喂你睇下果只纸鸢几靓 振邦：边只啊？ 秀风：咧条尾好长果只啊 振邦：你想要啊？ 秀风：你仲有钱乜？ 振邦：如果你想要嘅话，就算天上边嘅星星都帮你摘落来啦 　　　等我一阵 振邦：过来啦 秀风：你摞架单车去同人换啊？ 振邦：是啊 秀风：咁你咪好蚀底？ 振邦：氹到你开心喔，蚀底有乜所谓嗻 振邦：来试下啊 秀风：好啊 振邦：今日玩得开唔开心啊？ 秀风：OK啦 秀风：不过如果　多扎花添咧，就仲开心啲 振邦：真係？ 秀风：你唔係谂住送俾我啊嘛？你身上得返三蚊嗻　你冇送一支俾我咁寒酸啊 振邦：唔会，我送晒成档俾你都得 秀风：哼，点送啊，抢啊？ 振邦：我讲一句说话就得嘎啦 秀风：一句说话？ 振邦：睇住啊！(喊)城管来了，快啲走啊 振邦：荣秀风小姐，咁而家够开心没啊 秀风：我今日先至发觉原来你个人都几无赖嘓喔 振邦：为咗你，仲无赖啲都仲得

  
• 11.21.2015

  一枚珍贵的回形针

  世界上嘅回形针 实在系太多了！多到唔小心跌咗一个，都唔愿意弯低身去捡。 但有一个回形针 喺我心里边 它係最珍贵…… 大学嘅时候，听讲回形针折一下，可以变成心型。 我坐喺教室度足足整咗一堂课，最后终于都大功告成，但啲同学见到我都话我好白痴。 咁啱佢行出来吹风，我攞住个回形针喺佢面前行过，佢好感兴趣，话以前从来都冇注意过… 呢个时候上课钟响起咗，我顺手将个回形针，扣咗喺佢衫上，同佢讲：第一次嘅成功，送畀你啊！ 佢莫名其妙噉样耷低头，望下个回形针，我对住佢笑咗下，转身行咗入课室。 第日中午，吃饭嘅时候，我无意中发现果个回形针，扣咗喺佢银包上。 他喺毫无准备嘅情况下畀我发现，显然有啲好唔自然，即刻将个银钱包放返落袋，继续排队