Íhlutun með aðstoð dýra hefur á síðastliðnum áratugum fest sig í sessi víða um heim enda hafa rannsóknir sýnt fram á gagnsemi hennar. Margar starfstéttir nýta sér þessa nálgun og má þar helst nefna iðjuþjálfa, sjúkraþjálfara, kennara, talmeinafræðinga, tannlækna, þroskaþjálfa, hjúkrunarfræðinga, sálfræðinga og félagsráðgjafa. Nærvera dýrsins og þátttaka hefur sýnt hafa jákvæð áhrif á líðan og þátttöku barna. Við fræddumst um sjúkraþjálfun á hestbaki og iðjuþjálfun með hundi í dag þegar þær Guðbjörg Eggertsdóttir sjúkraþjálfari og Gunnhildur Jakobsdóttir iðjuþjálfi komu í þáttinn. Fram undan er ráðstefnan Að styðjast við dýr í starfi með fólki á sunnudaginn í Reykjadal, nánari upplýsingar á heimasíðu æfingastöðvarinnar.

Við fengum í dag nýjan pistil, eða öllu heldur vinkil, frá Guðjóni Helga Ólafssyni, skúffuskáldi og þjóðfræðiáhugamanni úr Flóanum. Í dag bar hann vinkilinn að dagbókum og dagbókarskrifum.

Og lesandi vikunnar í þetta sinn var Stefán Jón Hafstein. Hann á auðvitað langan feril að baki í fjölmiðlum, vann við útgáfu, var borgarfulltrúi og hefur unnið hjá Þróunarsamvinnustofnun Íslands og fyrir utanríkisráðuneytið svo eitthvað sé nefnt. Og nýlega kom út bók eftir hann, Heimurinn eins og hann er, heimildasaga. Við fengum að vita hvað hann hefur verið að lesa undanfarið og hvaða bækur og höfundar hafa haft mest áhrif á hann í gegnum tíðina. Bækur sem Stefán talaði um í dag:

Opið haf e. Einar Kárason

Tíminn á leiðinni e. Steinunni Sigurðardóttur

Laws & Human Nature e. Robert Greene

Náttúran og framtíð okkar e. Ellert Ólafsson

Shakespeare á meðal vor e. John Kott

Gúlag-eyjaklasinn e. Solzhenítsyn

Sjálfstætt fólk e. Halldór Laxness

TÓNLIST Í ÞÆTTINUM

Áfram stelpur / Anna Kristín Arngrímsdóttir, Bríet Héðinsdóttir, Guðrún Alfreðsdóttir, Kristín Á. Ólafsdóttir, Margrét Helga Jóhannsdóttir, Sigrún Björnsdóttir, Steinunn Jóhannesdóttir og fleiri (Edander, Kristján Jónsson og Dagný Kristjánsdóttir)

Chan Chan / Buena Vista Social Club (Francisco Repilado)

Hey little One / Glen Campell (Burnette og de Vorzon)

UMSJÓN: GUNNAR HANSSON OG GUÐRÚN GUNNARSDÓTTIR