መንግሥት ማሻሻያው ስደትን የመቆጣጠርና ስደተኞችም ከቀድሞው በተሻለ ከኅብረተሰቡ ጋር እንዲዋሀዱ የማድረግ ዓላማ አለው ይላል። ይሁንና የግራ አቋም አራማጅ የህዝብ ተወካዮች ምክር ቤት አባላት በማሻሻያው የተካተቱት እርምጃዎች ሲበዛ ጨቋኝ ናቸው ሲሉ ቀኞቹ ደግሞ ሕጉ ያን ያህል ጠንካራ አይደለም በማለት አጣጥለውታል።

ያኔ ከናዚ አምልጠው ብሪታንያ የገቡት አይሁዶች አሁን እድሜያቸው 90 ዓመት ወይም ከዚያ በላይ ነው።የዛሬ 85 ዓመት አይሁድ ህጻናት ወደ ብሪታንያ እንዲመጡ ሲደረግ የብሪታንያ መንግሥት ለምን ወላጆቻቸውንም አልወሰደም የሚሉ ጥያቄዎች በአሁኑ ጊዜ እየተነሱ ነው። የአብዛኛዎቹ ወላጆች በያኔዎቹ ብሔራዊ ሶሻሊስቶች ወይም ናዚዎች ተገድለዋል።

የሂትለርደጋፊዎች ፣በአዳራሹ የነበሩትን ባለሥልጣናት በአንድ ክፍል ሰብስበው አሰሩ።ሂትለር ፣በርሊን ያለው መንግሥት ከስራ እንደተወገደ፣ በሚመጡት ቀናትም የባቫርያ ግዛት ዋና ከተማ ሙኒክን ነጻ ካወጡ በኋላ ወደ በርሊን እንደሚሄዱ ተናገረ። ያኔም የአንደኛው የዓለም ጦርነት የጀርመን ጀግና ጀነራል ሉድንዶርፍ ከሂትለር ጋር መቀላቀላቸውን አስታወቁ።

የጀርመን መንግሥት እንደሚለው እስካለፈው መስከረም መጨረሻ ድረስ ከጀርመን መባረር ነበረባቸው የሚባሉ 255 ሺህ ሰዎች አሁን በሀገሪቱ ይገኛሉ።ከመካከላቸው 205 ሺሁ በጀርመንኛ ዱልዱንግ የሚባለው ጊዜያዊ የመኖሪያ ፈቃድ አላቸው። እነዚህ ተገን ጠያቂዎች ከጀርመን መባረር አለባቸው ቢባልም በሕጋዊ ምክንያቶች ግን ከሀገሪቱ እንዲወጡ አይገደዱም።

በብሪታንያ ባየርን የመሳሰሉ ባለሞያዎች የሀገር አልባዎቹን ታሪክ ያጠናሉ።በመጨረሻው የፍርድ ቤት ውሳኔ ላይም የባለሞያዎቹ ሃሳብ ይካተታል።በጀርመን ግን ውሳኔው የዳኞች ብቻ ነው። በጀርመን በአገር አልባነት ላይ ውሳኔ ለመስጠት ሕጋዊ ደረጃ ያላቸው ሂደቶች የሉም።ስልጣኑ የማዘጋጃ ቤቶች ባለስልጣናት ነው።በተለያዩ ግዛቶች የተለያዩ ውሳኔዎች ይሰጣሉ።