D‘Summerlach ass normalerweis eng Zäit, wou mir als Journalist*inne selwer Theme kenne setzen. Leider iwwerrennt d‘Aktualitéit eis heiansdo awer dach, sou wéi déi zwee Attentater de leschte Weekend an den USA. Mir hunn dat als Ulass geholl, fir e bëssen iwwert Hate Speech um Netz nozedenken, dee ganz séier zu tatsächlecher physescher Gewalt gi kann. Mir analyséieren dofir, wéi Foren wéi 8chan funktionéieren, wat un der Philosophie vun den Incels sou besonnesch geféierlech ass a wat de Lien tëscht Haasskommentaren ënnert Artikelen an sou Massemorde sinn.

Eist zweet Thema dës Woch ass Body Positivity a Fat Acceptance. Mir ginn op d‘Spure vum Mouvement a kucken eis un, wéi sech d‘Fat Acceptance-Beweegung entwéckelt huet, a wéi dorausser och Body Positivy ginn ass. Dëst ass vill méi breet ugeluecht, wat dozou gefouert huet, datt och vill Leit mat opgespronge sinn, déi am Fong näischt mat Fat Acceptance ze dinn hate – wat esouwäit gaangen ass, datt elo esouguer erëm Leit ausgeschloss ginn, well se ze déck sinn. Ausserdeem kucke mir eis un, wéi een de Bléck selwer schoule kann.

Linken zu den Artikelen:

Hate Speech im Netz: Hass tötet

Body Positivity-Bewegung
: Recht auf Dicksein