ប្រឈម​នឹង​​កង្វះ​ទឹក ដែល​​​ភព​ផែនដី​​កំពុងជួប​ប្រទះ​ខ្លាំង​ឡើងៗ គេ​រកឃើញ​មាន​ដំណោះស្រាយ​មួយ​ ​នោះគឺ​ការ​ចម្រោះ​សម្អាត​ទឹក​ស្អុយ​យក​មក​ប្រើវិញ​។ នេះ​ជា​ការ​គូស​បញ្ជាក់​របស់​អង្គការ​សហប្រជាជាតិ ដែល​ជំរុញ​ឱ្យ​ប្រទេស​នីមួយៗ​ចាប់​ផ្តើម​គិត​គូរ​ប្រើ​ប្រព័ន្ធសម្អាត​​ទឹក​ស្អុយ​ ឱ្យ​បាន​កាន់​តែ​ឆាប់​ ដើម្បី​ធានា​រក្សា​ធនធានទឹក​ក្រោម​ដី​ដែលមាន​បរិមាណ​កំណត់។ ការ​សម្អាត​ទឹក​ស្អុយ​​អាចយកមកប្រើ​ច្រើនក្នុង​វិស័យ​កសិកម្ម ឧស្សាហកម្ម អនាម័យ​ក្រុង ឬ​សម្រាប់​បញ្ចុះសីតុណ្ហភាព​រោងចក្រ​អគ្គីសនី និងក៏​អាច​ប្រើ​សម្រាប់​ជា​ទឹក​ស្អាត​សម្រាប់​បរិភោគ​និង​ប្រើប្រាស់​ប្រចាំ​របស់​ប្រជាពលរដ្ឋ​ទូទៅ​ដែរ។