Wéi eng Persoun stécht eigentlech hannert dem Titel vum ‚Äerzbëschof‘? Genau dat hunn sech den Tom an de Philippe an der neier Episode vun ‚Gëlle Fro‘ gefrot. Den Äerzbëschof an Kardinol Jean-Claude Hollerich erzielt, wéi hien sech di éischte Kéier verléift huet, wéi en mat de Jesuiten duerch Frankräich gezunn ass an wéi hien de Wee op Tokio fonnt huet – wat mëttlerweil zu sengem Doheem ginn ass. Angscht virum Stierwen huet den Äerzbëschof net, sou erkläert hien dem Philippe an dem Tom wat nom Doud geschitt an wie hien säin Gléck fënnt. 2020, e Joer an dem de Corona-Virus eisen Alldag bestëmmt, stellt sech awer och d’Fro, wéi eng Roll de Glawen an dëser schwéierer Zäit spillt. Op dës an op vill aner aktuell Problemer, probéiert den Jean-Claude Hollerich an dëser Episode en anert Liicht ze werfen.