Historical narrative about the expedition of Ernest Shackleton in Antarctica in 1914-1916. This story tells of the extra-ordinary and heroic feats the expedition crew suffered and endured. This is the LAST EPISODE of the 11-part series narrated in ILOCANO.

EXCERPTS:

"... PANAGSUBLI KEN PAMMAKADA: Limned ti Endurance kalpasan ti pannakarumekna iti hielo iti tengnga ti taaw idiay Baybay a Weddell.

Nagserbi daydi bapor nga Aurora a nagkarga iti uging ken nagbiyahe idiay Australia ken Abagatan nga Amerika. Ngem nagpukaw daytoy idi maika BEYNTE (20) ti Hunyo MIL NUEBE SIYENTOS DIYES Y SIYETE (1917) idiay Taaw Pasipika ket saanen a nabirokan.

Manarimaan idi ti Umuna a Gubat ti Sangalubongan idi nagsubli ni Ernest idiay Inglatera idi Mayo ti MIL NUEBE SIYENTOS DIYES Y SIYETE (1917). Nagboluntaryo daytoy iti militar tapno maipatulod iti paggugubatan idiay Pransia. Ngem saan a maitutop ti salun-atna tapno maipatulod daytoy iti trabaho a militar iti gubat nupay dina inakseptar daytoy a kinahusto. Maysa pay, nataengan unayen iti edadna tapno makapagpalista.

Nasayaat ti relasyonna kadagiti tattao idiay Argentina ken Chile ket maraem unay idiay. Iti kasta nadutokan daytoy a nagserbi a diplomatiko idiay Chile ken Argentina tapno padakkelenna ti impluensiya ti Britania idiay. Nagsubli idiay Inglatera idi MIL NUEBE SIYENTOS DIYES Y OTSO 1918.

Impatulod ti pribado a kompanya a Northern Exploration Company idiay Spitsbergen a paset ti Noruego tapno imbestigaranna dagiti mabalin a mina idiay. Ngem di pay nakadanon idi ta adda pay laeng daytoy idiay lugar a Tromso idi dimteng ti bilin ti Departamento ti Gubat idiay Britania a kasapulanna ti agsubli. Pinatta-patta ti departamento nga isu ti maitutop a maipatulod a mangsuplay iti kasapulan dagiti tropa ti Alyansa nga adda idi idiay Nabukel nga Arktiko (Arctic Circle).

Nadutokan ngarud daytoy nga agakem iti ekspedisyon militar ti Britania idiay Rusya, Nagturong ni Ernest idiay Murmansk ken Archangel nga adda inkuyogna a pas-pasagad, sumagmamano nga aso, ken alikamen a pagusar iti North Pole. Natudingan a makikappon iti puwersa ti Britania iti dayta a panawen ti lam-ek.

Natudingan dagitoy idi a sumarangetda kadagiti ‘Bolshevik’ ken kadagiti Aleman. Ngem dua a lawas manipud simmangpet daytoy idiay Murmansk, ket naiyaramid daydi ‘armistice’* a nangpasardeng iti rinnanget. Nagsubli idiay London ket nagretiro iti militar ti Britania a kas major idi Pebrero MIL NUEBE SIYENTOS DIYES Y NUEBE (1919).

Iti Oktubre ti MIL NUEBE SIYENTOS DIYES Y NUEBE (1919), impablaakna ti librona a “South” (Abagatan).

Iti daytoy libro nga impablaakna, naisaritana dagiti pasamak a dimteng kadagiti biag kadagiti kameng iti daydi inurnosna nga ekspedisyon. Naadaw ti sumaganad iti paset ti daydi a libro:

“Iti dagidi limapulo ket tallo a nagsubli – manipud kadagidi 56 a nagluas a nagpa-Abagatan, tallo ti natay ken lima ti nasugatan. Uppat a dekorasyon (militar) ti natgedan ken sumagmamano a miyembro iti ekspedisyon ti nainagan kadagiti ‘dispatches.’ Ni McCarthy, a kasayaatan ken mapagkammatalkan unay kadagiti marinero, kankanayon a naragsak uray kabayatan dagiti karirigatan a pagsaadan, ken naigapu kadagitoy a galadna a pinilik a kaduaennak iti daydi panaglayagko idiay South Georgia, ket natay iti puesto ti paltuogna idiay Channel.”

PLEASE LISTEN TO PODCAST FOR THE FULL AND COMPLETE EPISODE