Lára er nýkomin úr hjólaferð (eða síldarævintýri) um Álandseyjar þar sem hún komst að því að Belsebúbb væri líklega áll. Júlía segir frá því þegar hún tók þátt í karókí á Prikinu og var vísað af sviðinu. Þær rifja upp þegar Lára var eina manneskjan sem keypti miða á Elton John í Laugardalshöll í forsölu. Júlía rifjar upp Biblíusögur og segir frá því þegar hún fór fimm ára í sunnudagaskólann og hvað það var gaman þegar Jesú mætti með gítar í miðri messu og tók lagið með krökkunum.