Eitt nýtt mál, nýggj mentan og eitt fullkomiliga nýtt umhvørvi.

Hetta var veruleikin hjá tí tá 15 ára gomlu Duygo Odabasi úr Turkalandi, tá hon 22. september í fjør kom til Føroya at vera AFS-skiftisnæmingur. At hon endaði í Føroyum, var hon ikki heilt fyrireikað uppá.

- Eg visti als einki um Føroyar, tí eg hevði ynskt at koma til Danmarkar, so tað var ein løgin kensla. Men í dag eri eg sera glað fyri, at eg endaði í júst Føroyum, sigur Duygo Odabasi, sum hetta tíðarskeiðið hevur gingið á Glasi.