លោក ហ៊ុន ម៉ាណែត ត្រូវ​បាន​គេ​មើល​ឃើញ​ថា ជា​គោល​ដៅ​ថ្មី​មួយ​របស់​លោក សម រង្ស៊ី ក្នុង​ការ​វាយ​ប្រហារ​ផ្នែក​នយោ​បាយ ខណៈ​លោក​គឺ​ជា​បេក្ខ​ជន​នាយក​រដ្ឋ​មន្ត្រី​របស់​គណ​បក្ស​កាន់​អំ​ណាច​នៅ​ពេល​អនាគត​។ ​ប៉ុន្តែ​មិន​បង្អង់​យូរ​ឡើយ កូន​ប្រុស​ច្បង​រូប​នេះ ​របស់​លោក ហ៊ុន សែន ក៏​បាន​កំដរ​អាយ៉ៃ​ឆ្លើយ​ឆ្លង​រវាង​អ្នក​នយោបាយ​ជើង​ចាស់ ​និង​អ្នក​នយោបាយ​ជើង​ថ្មី​នេះ។ ប៉ុន្តែ លោក ហ៊ុន ម៉ាណែត ដែល​រៀន​ចប់​បណ្ឌិត​ពី​ស្រុក​ក្រៅ បាន​ចាត់​ទុក​ថា​ ជា​ការ​«មើល​ងាយ​ក្មេង​ជំនាន់​ក្រោយ» ​បន្ទាប់ពី លោក សម រង្ស៊ី ថា លោក ហ៊ុន ម៉ាណែត គ្មានស្នា​ដៃ​អ្វី​ក្រៅតែ​ពី​បុណ្យ​ស័ក្ត​ដែល​បំពាក់​ដោយ​ឳពុក​របស់​ខ្លួន​។​ ហេតុអ្វី លោក សម រង្ស៊ី ងាក​ទៅ​បរិហារ្តិ៍ លោក ហ៊ុន ម៉ាណែត?