នៅ​ក្នុង​ប្រទេស​ចិន អត្រា​កំណើត​ទារក​ក្នុង​ឆ្នាំ ២០២១ បាន​ធ្លាក់​ចុះ​យ៉ាង​ខ្លាំង។ តាម​តួលេខ​ផ្លូវការ​ចុះ​ផ្សាយ​ក្នុង​ថ្ងៃ​ចន្ទ ទី១៧ មករា អត្រា​កំណើត​ទារក​ក្នុង​ឆ្នាំ ២០២១ មាន​ចំនួន ៧,៥២ សម្រាប់​មនុស្ស ១ ០០០នាក់។ នេះ​ជា​អត្រា​មួយ​ទាប​ខ្លាំង បើ​គិត​តាំង​ពី​ឆ្នាំ ១៩៧៨ ដែល​ជា​ចិន​បាន​ចាប់​ផ្តើម​ចេញ​ផ្សាយ​ស្ថិតិ​ប្រចាំ​ឆ្នាំ។ ទន្ទឹម​នឹង​អត្រា​កំណើត​ទារក​ធ្លាក់​ចុះ ចិន​ក៏​កំពុង​ប្រឈម​នឹង​អត្រា​កំណើន​មនុស្ស​ចាស់។ ក្នុង​ឆ្នាំ ២០១៦ ចិន​បាន​អនុញ្ញាត​ឲ្យ​គ្រួសារ​ចិន​អាច​យក​កូន​ទី២ និង​អាច​យក​បាន​ទី៣ ចាប់​ពី​ឆ្នាំ ២០២១។ តែ​នយោបាយ​មួយ​នេះ​ហាក់​មិន​បាន​ជំរុញ​ឲ្យ​គ្រួសារ​ចិន​យក​កូន​បន្ថែម​ទេ។ ហេតុអ្វី​បាន​ជា​ដូច្នេះ និង​ថា តើ​ប្រទេស​មួយ​ដែល​កំពុង​ស្គាល់​កំណើន​មនុស្ស​ចាស់​អាច​ជួប​ផលវិបាក​អ្វី​ខ្លះ?