Hierdie week herinner Ps. Hendri Hofmeyr ons met sy boodskap Hoekom Ons Kersfees Vier aan die dieper betekenis agter hierdie seisoen. Die Skrif wys dat viering deel is van ons aanbidding — die engele het lof gesing, die skaapwagters het gejubel, en selfs die skepping het gereageer toe die Koning gekom het. Wanneer ons dit deur ’n Koninkrykslens sien, kan selfs ons tradisies die evangelie weerspieël en na Jesus wys. Ons vier nie ’n datum nie — ons vier die Verlosser wat gekom het om alles te verlos. Mag hierdie boodskap ons lei om met nuwe vreugde en fokus hierdie Kersfees te aanbid.