Aurrenekoz, kutsaduraren ondorioz eragindako asma-krisiak jota, ospitaleetako larrialdi zerbitzuetara mundu osoan egindako bisitaldien estimazioa egin dute. Zientzia Kaierako Uxune Martinezek esan digunez, kalkuluen arabera, 2015ean Europako Batasuneko 28 estatuetan 391.000 heriotza goiztiar eragin zituzten partikula finek. Urtebetean Bilbo bezalako hiri bateko biztanle guzti-guztiak hartu eta behar baino lehenago hilobira eramatearen parekoa.

#AgurInfo7 tertulia berezian Eneritz Urkolak "Hitzen Lihoa" saiotik #perla hau aukeratu du: Xabier Silveira bertsolariari egindako elkarrizketa. Larri irritsi zen bertsolaria Urruñako estudioetara, garaian, N-121 errepidea konpontzen ari baitziren eta tarteka leherketak egin behar zirelako trafikoa moztu egiten zuten. Elkarrizketa hasi eta berehala esan zuen Silveirak errepidearekin kexu: «suizidio bat da, 2 ordu 20 kilometro egiteko», baina iritsi zen Urruñara "Bostetako Diligentzia" saiorako eta gogoz gogoratzen du elkarrizketa hura Eneritz Urkolak.

Info7 irratiko beste lankide batzuek ere gogoratu dute "Korrika" #AgurInfo7 tertulietan eta hala egin du Eneritz Urkolak ere. «Gogoratzen dut kaos bat zela» esan du barrez, garaian, info7 Irratiko bi kide izaten ziren jarraipena egiten baina ez zen beti erreza beraiekin konexioa lotzea.  Korrikaren harira Alicia Iribarreni egindako elkarrizketa gogoratu dugu. Iribarren Tuterako AEK-ko arduraduna zen eta berak eraman zuen lekukoa lehen kilometroan.  Zer sentitzen da Korrika 16ren lehen lekukoa hartu aurretik? horixe luzatu zion lehen galdera.

"Bostetako Dilentzia" saioa gidatu zuen Eneritz Urkolak Agin Labururi lekua hartuz. «Esperientzia handia izan zen saioa gidatzea, bai profesionalki, bai maila pertsonalean» esan du magazineko garaiak gogoratuz. Eta bera ere jarri dugu memoria ariketa egiten, eta bere #perlak aukeratu ditu. Lehendabizikoa Itziar Ituñori egindako elkarrizketa, garaian, Goenkaleko "Nekane", Arraldeko Ertzaintzaren burua. Urkolak gogoratu du gogoz prestatu zuela elkarrizketa, eta saiatu zela elkarrizketa ezberdin bat egiten, Ituño bera ohartu zen horrekin, eta eskertu egin zion  hain ondo prestatu izana «pila bat estimatu nion hori» aitortu du Urkolak.

 "Zirimola" irratsaioa gogoratu dugu #AgurInfo7 tertulian. «Gazteek gazteentzako» saioa zela esan dute Malen Aldalur eta Ane Urkola ordezkariek. Eta ordezkariek diogu, "Zirimola" saioa kolektiboa izan zelako. Topatu.eus ek sustatutako saioan gazte talde ugari aritu zen gidari lanetan. Malen Aldalurrek eta Ane Urkolak ere aukeratu dituzte beraien perlak. Bi saio. Lehendabizikoan "Bi Bala" taldeko Iñaki Gurrutxaga eta Danele Sarriguren elkarrizketatu zituzten.

Perla ezberdinak berreskuratu ditugu #AgurInfo7 tertulian. Zirimola saio hau berreskuratu nahi izan dute Malen Aldalur eta Ane Urkolak. Gasteizko Herri Harresiari buruzkoa. Erresistentzia pasiboa erabiliz ehunka lagunek Igarki Robles, Ibon Esteban eta Aiala Zaldibar gazteak hiru orduz babestea lortu zuren Arabako hiriburuan.

Albistegietan aritutakoak, magazinak gidatzen, hauteskunde gauak,  asteroko irratsaioak, erreportaje zein bideoak...#AgurInfo7 tertulia honetako lau gonbidatuekin errez egin genintzazke beste bi tertulia, lan askotan ibilitakoak baitira irrati honetan.   Eneritz Urkola, Malen Aldalur, Ane Urkola eta  Erik Aznal hurbildu dira Donostiako estudiora, Batix Ezeiza telefonoz batu da. Orkrestra gidatzen, berriz, Eider Olazar. 

Azken asteetan egindako «inurri lana» goraipatu du ariketa soziala hasi den egunean Euskaraldiako koordinatzaile Arrate Illarok. «Inertziekin apurtu eta hizkuntza ohituretan eraginez, aldaketa txikiekin aldaketa handiak» etor daitezkeela uste du. «Norbanakoek egingo dugu ariketa, baina egunerokoan euskal hiztunek ditugun oztopoak gainditzeko entitateen ardura» eskatuko dute. «Entrenamendu bat da, 12.egunetik aurrera ohiturak aldatzeko» gehitu du Illarok

Euskal Herriko gehiengo sindikalak deitutako greba orokorretan apostu berezia egin du info7 irratiak. "Pikete-informatiboa" izena jarri genion jarraipen saio berezi horiei. Goizean goizetik, eskualdeka eta sektoreka egiten genuen errepasoa eta saio bereziari hiriburuetako manifestazioekin ematen genien bukaera.  #AgurInfo7 tertulia berezian Patxi Gaztelumendik 2013ako maiatzak 30eko greba orokorrean egin zuen konexioa gogora ekarri du. Bilbotik, traktore baten gainean. 

Bereziak izan dira oso azken urteak Katalunian, eta Euskal Herrian interes handiz jarraitu dugu geratutakoa.  Info7 irratiak ere, noski, jarraipen berezia egin dio bertako aktualitate politikoari. Pentsa, 2017-2018 denboraldiko lehen "Kalegorrian" saioa Bartzelonatik egin genuen zuzenean, eta saio berezia egin ere,  Urriaren 1eko galdeketan. Katalunian gertatutako olatua, baina, atzeragotik dator, #AgurInfo7 tertulia berezian Patxi Gaztelumendik #perla hau gogoratu du, 2014ko Diada egunekoa.