Nýjustu rannsóknir á erfðaefni Íslendinga veita merkilegar upplýsingar um uppruna landnámskmanna. Um 63% landnámskvenna voru ættuð frá Bretlandseyjum en einungis 37% frá Noregi og annarsstaðar af Norðurlöndum. 80% af íslenskum landnámskörlum virðast hins vegar ættaðir frá Norðurlöndum en 20% frá Bretlandi. Fjöll, firðir og dalir skarta keltneskum nöfnum og svo er framburður íslenskrar tungu að mörgu leiti ekki norrænn heldur keltneskur. Þetta kemur meðal annars fram í bókinni Keltar eftir Þorvald Friðriksson. Bókin fékk nýlega bókmenntaverðlaun bóksala í flokki fræðibóka. Þorvaldur kom í þáttinn í dag.

Við fengum nýjan vinkil frá Guðjóni Helga Ólafssyni, skúffuskáldi og þjóðfræðiáhugamanni úr Flóanum. Í dag bar hann vinkilinn að draumum, sem hann segir viðfangsefni sem hann hefur lengi haft svolítinn áhuga á, þrátt fyrir að hann muni eiginlega aldrei hvað hann dreymir sjálfur.

Og lesandi vikunnar í þetta sinn var Kristján Sigurjónsson fréttamaður. Hann ætti að vera hlustendum góðu kunnur úr einmitt fréttunum og Speglinum. En við fengum að vita hvað hann hefur verið að lesa undanfarið og hvaða bækur og höfundar hafa haft mest áhrif á hann í gegnum tíðina.

Kristján talaði um eftirfarandi bækur og höfunda:

Tættir þættir eftir Þórarinn Eldjárn

Óvinafagnaður, Ofsi, Skálmöld, Skáld, Opið haf og Þung ský eftir Einar Kárason

Hungur eftir Stefán Mána

Selurinn Snorri eftir Frithjof Sælen

Undir fönn eftir Jónas Árnason

Tónlist í þættinum í dag:

Þriggja fasa jól / Ukulellur (Helga Margrét Marzellíusardóttir og Elísabet Thoroddsen)

Mistletoe and Holly / Frank Sinatra (Frank Sinatra, Hank Sanicola og Doc Stanford)

Ding dong / Kór Langholtskirkju (Enskt/franskt jólalag, texti Gunnlaugur V. Snævarr)

UMSJÓN: GUNNAR HANSSON OG GUÐRÚN GUNNARSDÓTTIR