ថ្ងៃសៅរ៍ ទី៤មិថុនានេះ គឺជាថ្ងៃខួបឆ្នាំទី​៣៣ នៃព្រឹត្តិការណ៍​បង្ក្រាប​បាតុកម្មប្រជាធិបតេយ្យ នៅទីលាន​ធានអានមេន ទីក្រុងប៉េកាំង។ បាតុករ​ដែលជានិស្សិត និង​យុវជនរាប់ម៉ឺននាក់ ដែលបាន​ជួបជុំគ្នានៅទីនោះ អស់ជាច្រើនសប្តាហ៍ ដើម្បីទាមទារសិទ្ធិសេរីភាព និង​លទ្ធិប្រជាធិបតេយ្យ។យ៉ាងហោច មាន​បាតុករជាង១ម៉ឺន​នាក់ បានស្លាប់ដោយ​ព្រឹត្តិការបង្រ្កាប​ដ៏សាហាវនេះ។ ជាង៣០​ឆ្នាំកន្លងមកនេះ អាជ្ញាធរកុម្មុយនីស្តិចិន បានធ្វើ​គ្រប់យ៉ាង ដើម្បី​បំបាត់ស្លាកស្នាម នៃការចងចាំព្រឹត្តិការណ៍នេះ។