ប្រធានាធិបតី​រុស្ស៊ី​លោក​វ្ល៉ាឌីមៀរ ពូទីន​បាន​ចូលរួម​នៅ​ក្នុង​កិច្ចប្រជុំកំពូល​តំបន់​រៀបចំ​ក្នុង​ប្រទេស​កាហ្សាក់ស្ថាន​នា​ថ្ងៃ​សុក្រ ទី១៤ តុលា។ ថ្លែង​នា​ឱកាស​នោះ លោក​ពូទីន​បាន​លើក​ឡើង​ច្រើន​ពី​សង្រ្គាម​នៅ​អ៊ុយក្រែន​ដែល​បាន​ឈាន​ចូល​ជិត ៨ខែ។ ដោយឡែក​ក្នុង​ថ្ងៃ​ដែល​លោក​ពូទីន​ចូលរួម​នៅ​ក្នុង​កិច្ចប្រជុំតំបន់ អ៊ុយក្រែន​បាន​ប្រារព្ធ​ទិវាអ្នកការពារ​ដែល​នា​ឱកាស​នោះ ប្រធានាធិបតី​អ៊ុយក្រែន​លោក​ហ្សេឡេនស្គី​បាន​សន្យា​ពី​ជ័យជំនះ​លើ​រុស្ស៊ី។ ចំណែក​បស្ចិមលោក​បន្ត​ការ​គាំទ្រ និង​ជួយយ​អ៊ុយក្រែន​ដោយ​អាមេរិក​បាន​សន្យា​ផ្តល់​ជំនួយ​យោធា​ថ្មី​ឲ្យ​អ៊ុយក្រែន​ក្នុង​ទឹកប្រាក់​ចំនួន ៧២៥លានដុល្លារ។