នៅថ្ងៃ​ព្រហស្បតិ៍ ទី ១២​មករា រដ្ឋមន្រ្តីក្រសួងយុត្តិធម៌អាមេរិកបាន​ប្រកាស ​តែងតាំងរដ្ឋអាជ្ញាពិសេស​ដើម្បី​ស៊ើបអង្កេត​ទៅលើ​ការរកឃើញ​ឯកសារ​សម្ងាត់នៅផ្ទះ​ផ្ទាល់ខ្លួន​របស់​លោកប្រធានាធិបតី ចូ បៃដិន។ នៅមុន​តែងតាំង រដ្ឋអាជ្ញា​នៅ​រដ្ឋម៉ារីលែន លោក​Robert Hurឲ្យធ្វើជា​រដ្ឋអាជ្ញាពិសេសដើម្បី​ស៊ើបអង្កេត​លើ​ករណី​របស់​លោក​ចូ បៃដិន ​រដ្ឋមន្ត្រីក្រសួងយុត្តិធម៌អាមេរិក លោក Merrick Garlandធ្លាប់បានតែងតាំង​រដ្ឋអាជ្ញាពិសេស​ម្នាក់រួចហើយ គឺលោក​Jack Smith ដើម្បី​ស៊ើបអង្កេត​លើករណីដូចគ្នានេះ ទៅលើលោកដូណាល់ ត្រាំ។ អតីតប្រធានាធិបតី​ដែលកំពុងជាប់ការស៊ើបអង្កេតក្នុងរឿងលាក់ទុកឯកសារ​សម្ងាត់ជាតិ​នៅក្នុងផ្ទះ​នៅ​រដ្ឋ​Florida នៅក្រោយ​លោក​អស់អាណត្តិនៅឆ្នាំ ២០២១។