Í þættinum er litið inn á viðburð sem Tunglið forlag hélt í Mengi við Óðinsgötu 19. maí 2023 og nefndis Þýsk/íslensk ljóðbrú. Í þættinum heyrist brot úr tvímála flutningi Ragnasr Helga Ólafssonar og Wolfgangs Schiffer á Alfareiðinni eftir Goethe þar sem Wolfgang mælti frumtextann en Ragnar Helgi þýðingu Jónasar Hallgrímssonar. Einnig heyrðist þýsk/tyrkneska skáldið Dincer Gütcieter flytja ljóð sitt Ein Brief an Papa og Dagur Hjartarson flytja þýingu Gauta Kristmannssonar á ljóðinu. Þá er í þættinum rætt við Dincer Gücyeter um skáldsögu hans Unser Deutschlandmärchen - Þýskalandsævintýrið okkar sem hlaut í lok apríl verðlaun bókakaupstefnunnar í Leipzig í flokki fagurbókmennta. Einnig rætt við Dincer um útgáfuforlags hans Elif á íslenskri ljóðlist en hjá Elif hafa komið út tvímálaútgáfu þýðingar á um það bil einum tugi lljóðabóka eftir íslensk samtímaskáld. Þýðendur eru Jón Þór Gíslason og Wolfgang Schiffer og í þættinum er einnig rætt stuttlega við Wolfgang. Þá heyrist Wolfgang flytja upphaf ljóðs síns Damals als ich mich schämte og Sigrún Valbergsdóttir sömuleiðis upphafið á þýðingu sinni á ljóðinu. í síðari hluta þáttarins er svo rætt við natöshu S annan af tveimur ritstjórum ritgerðarsafnins Skáldreka sem nýlega kom út hjá Unu útgáfu. Einnig rætt við Margréti Tryggvadóttur fomann rithöfundasambands Íslands um afstöðu sambandsins til nýrra íslenskra höfunda sem eru af erlendum uppruna, skrifa ekki á íslensku en eru íslenskir rithöfundar.

Lesari: Gunnar Hansson.

Í þættinum er útvarpað tveimur viðtölum sem tekin voru í tengslum við Alþjóðlega bókmenntahátíð í Reykjavík 2023.Annars vegar er rætt við Mariana Enriques frá Argentinu um smásagnasafn hennar Allt sem við misstum í eldinum sem kom úr árið 2022 í þýðingu Jóns Halls Stefánssonar. Hins vegar er rætt við metsöluhöfundinn Alexander McCall Smith um hina fjölmörgu bókaseríur hans einkum seríuna um kvenspæjarastofu nr. 1 í bænum Gaborone í Botzvana.

Í byrjun þáttarins er Íslaks Harðarsonar skálds og þýðanda minnst en hann lést 12. maí 2023. Leikin eru tvo brot úr gömlum þáttum Orða um bækur. Annars vegar frá 18/10 2018 þegar sagt var frá útkomu ljóðabókarinnar Elleftir snertur af yfirsýn eftir Ísak og hins vegar frá 1/11 2021 þegar rætt var við Íslak um þá nýjar þýðingar eftir hann.

Lesari: Anna María Björnsdóttir

Umsjón: Jórunn Sigurðardóttir

Í þættinum er litið við í Mengi við Óðinsgötu þar sem þann 11. maí 2023 var haldið fyrsta ljóðakvöld Yrkja, nýja ljóðakollektífu í Reykjavík. Rætt var við tvær Yrkjur þær Jönu Björgu Þorvaldsdóttur og Steinunni Kristínu Guðnadóttur en aðrar yrkjur eru þær Ragnheiður Guðjónsdóttir, Eyrún Úa Þorbjörnsdóttir og Ása Þorsteinsdóttir. Einnig mátti heyra þrjú af ljóðskáldunum sjö flytja ljóð. Þetta eru þau Sölvi Halldórsson sem flutti ljóðið „Heimalningar“; Katrín Lóa Hafsteinsdóttir flytur ljóðið „Græðgi“; Elís Þór Traustason flytur annað ljóð af tveimur úr „Samtalsþættir“ og nýtur þar aðstoðar Sölva Halldórssonar að lokum flutti Ása Þorsteinsdóttir ljóðið „Hjartað varð eftir“. Kynnir á ljóðakvöldi Yrkja var Steinunn Kristín Guðnadóttir.Þá var í þættinum rætt við Magnús Stefánsson útgefanda og formann Félags ljóðaunnenda á Austurlandi um starfsemi félagsins og nokkrar útgáfubækur þess. Lesin eru nokkur ljóð úr nýjustu útgáfubókinni Öræfanna andar svífa sem hefur að geyma ljóð systkinanna frá Heiðarseli, þeirra Einars Hjálmars Guðjónssonar og systranna Sólveigar Sigríðar, Arnheiðar og Hallveigar Friðriku Guðjónsdætra. Þá las Magnús ljóðið Munum við báðar fljúga úr samnefndri ljóðabók Stefaníu Gísladóttur. Að lokum flytur Kári Túliníus síðasta pistil sinn um bókmenntir í bókmenntaborg eins og þær blasa við honum ofan af Móskarðshnúkum.

Umsjón: Jórunn Sigurðardóttir

Í þættinum er sagt svolítið frá nýafstaðinni árlegri bókakaupstefnu í Leipzig, einkum bókunum sem þar voru verðlaunarðar en það voru skáldsagan Deutschland. Ein Märchen (Þýskaland. Ævintýri eftir Dinçer Güçyeter; Bittere Brunnen (Beiskir brunnar) eftir Regine Scheer - ævisaga herthu Gordon-Walcher og þýska þýðingu Johönnu Schwering á skáldsögunni - La primas (þý: Die Cousinen (Frænkurnar)) eftir argentísku skáldkouna Auroru Veturini. Þá var í þættinum umræða um heimili fyrir barnabækurnar allar en nýverið var stofnað félag um að koma á fót samastað fyrir barnabókmenntir á Íslandi. Rætt var um þennan draum við Sigrúnu Klöru hannesdóttur fyrrulm landsbókavörð, Maríu Hjálmtýsdóttur ástríðuáhugakonu um barnabókmenntir og Bergrúnu Írisi Sævarsdóttur sem líka sagði frá nýútkomin bók sinni Langelstur á bókasafninu. Að lokum flutti Kári Túliníus þriðja pistil sinn af fjórum um íslenskt bókmenntalíf.

Umsjón: Jórunn Sigurðardóttir

Í þættinum er rætt við Áslaugu Jónsdóttur mynd- og orðlistakonu um fyrstu ljóðabók hennar Til minnis:. Einnig rætt við Jacek Godek sem hlaut heiðursviðurkenninguna Orðstírá dögunum en Jacek hefur um áratugaskeið þýtt íslenskar bókmenntir yfir á pólsku. Undir lok þáttar flytur svo Kári Tuliníus annan pistil sinn af fjórum þar sem hann skimar yfir bókmenntalandslag bókmenntaborgarinnar Reykjavíkur ofan af Móskarðshnúkum.

Umsjón: Jórunn Sigurðardóttir

Í þættinum er skautað yfir hátíðir, vígslu og verðlaunaafhendingu sem allt átti sér stað í síðustu viku í Bókmenntaborg UNESCO Reykjavík. Í þessari yfirferð heyrist í Ragnheiði Gestsdóttur, Ástu Kristínu Benediktsdóttur, Guðrúnu Norðdal, Ástu Svavarsdóttur og Einari Fal Ingólfssyni. Þá er í þættinum rætt við Ásdísi Magnúsdóttur sem árið 2019 sendi frá sér ljóðabókina Umskrifuð atriði og árið 2022 ljóðabókina Fangabrögð. Ásdís segir frá og les nokkur ljóð úr báðum þessum bókumÞættinum lýkur svo á fyrsta pistli Kára Tuliníus af fjórum þar sem hann skimar ofan af Móskarðshnúkum yfir bókmenntaborgina Reykjavík en svífur líka ofan og gaumgæfir einstök atriði.

Umsjón: Jórunn Sigurðardóttir

Þátturinn er að þessu sinni helgaður Aþjóðlegri bókmenntahátíð í Reykjavíík 2023. Litið yfir dagskrána og staldrað við fáeina viðburði og í því samhengi rifjuð upp umfjöllun um nokkra af höfundunum í þættinum Orð um bækur. Þannig er rifjað upp viðtal frá árinu 2020 við Þorgerði Öglu Magnúsdóttur og Maríu Rán Guðjónsdóttur hjá Angústúru um Jenny Colgan og bækur hennar sem segja má að séu ævintýri úr samtímanum. Einnig rifjuð upp umfjöllun um bókina Jeg lever et liv som ligner deres (Ég lifi lífi sem líkist ykkar) eftir Norðmanninn Jan Grue sem líkt og Jenny Colgan er gestur bókmenntahátíðar. Sagt er frá bók Grue og Gunnar Hansson les nokkur brot úr sögunni í snörun umsjónarmanns. Einnig rætt við Hörpu Rún Kristjánsdóttur um afmælishátíð Bókakonustofu á Eyrarbakka, Máttugar meyjar, sem haldin er á sama tíma og Bókmenntahátíð í Reykjavík stendur yfir og standa þessar báðar hátíðir fyrir einum sameiginlegum viðburði í Konubókastofu sunnudaginn 23. apríl. Þættinum lýkur svo á brotum úr annars vegar þættinum Bók vikunnar frá haustinu 2018 þar sem nóvellan Sorgarmarsinn eftir Gyrði Elíasson var til umfjöllunar. Gyrðir heyrist segja nokkur orð um tilveru listamannsins og les auk þess brot úr bókinni. Einnig er rifjað upp viðtal við Gyrði í þættinum Orð um bækur frá haustinu 2016 þar sem fjallað var um systurbókaparið Langbylgja og Síðasta vegabréfið. Rætt um einkenni ljóða og smáprósa og Gyrðir les smáprósann Hugur leitar hljóðra nátta.

Lesari Gunnar Hansson

Umsjónarmaður. Jórunn Sigurðardóttir

Í þættinum er hugað að allmörgum bókum sem komu út á síðasta ári sem fjalla um einstök hús. Sérstaklega er sjónum beint að bókunum Farsótt Hundrað ár í Þingholtsstræti 25 eftir Kristínu Svövu Tómasdóttur og Jarðsetningu eftir Önnu Maríu Bogadóttur sem hverfist um Iðnaðarbanka húsið í Lækjargötu byggt 1962 - jafnað við jörð 2017. Í þættinum er ræða þær saman og við stjórnanda þáttarins um bækur sínar, kveikjuna að þeim, sögurnar sem húsin geyma, bæði þær persónulegu og þær sem upplýsa um hugmyndafræðileg tengsl og uppbyggingu kerfa samfélagsins almennt með öll sín áhrif á líf okkar og leiki..

Umsjónarmaður Jórunn Sigurðardóttir

Metsölubækur eru á dagskrá þáttarins Orð um bækur að þessu sinni. Rætt er við þær Birgittu Elínu Hassel og Mörtu Hlín Magnúsdóttur eigendur Bókabeitunnar um þýðingar þeirra og útgáfu á tveimur bókum stórmetsöluhöfundarins Colleen Hoover, bækurnar Þessu lýkur hér og Varity. Einnig rætt við Sigþrúði Gunnarsdóttur forstjóra Forlagsins um eðli og gildi metsölubóka hér heima og á erlendum bókamörkuðum.

Umsjón: Jórunn Sigurðardóttir

Í þættinum heyrast brot úr tveimur erindum sem haldin voru á Barnabókmenntaráðstefnu Gerðubergs árið 2023. Annars vegar brot úr fyrirlestri Brynhildar Björnsdóttur bókmenntafræðings og fjölmiðlakonu sem bar yfirskriftina "Hvar er mamma þín Einar Áskell" og fjallaði um fjarveru mæðra í barnabókum. Þá heyrast líka brot úr fyrirlestri Sólveigar Rósar foreldra - og uppeldisfræðings um birtingarmyndir regnbogans í barnabókum á Íslandi. Einnig er í þættinum rætt við Auði Aðalsteinsdóttur bókmenntafræðing um framtíðarfagurfræði á framtíðarlausum tímum en Auður flutti erindi með þessum titli í málstofu um sögu bókmenntagagnrýni og sögu hennar á Hugvísindaþingi Háskóla Íslands 10. mars síðastliðinn.

Umsjón: Jórunn Sigurðardóttir