ការលួងលោម​កុមារ​តាមប្រព័ន្ធ​អ៊ិនធើណេត​កំពុងក្លាយជា​ក្ដីព្រួយបារម្ភ​នៅកម្ពុជា​។ ​ភាគច្រើន​កុមារ​មានអាយុ​ចន្លោះពី​១២ទៅ១៥ឆ្នាំ​ងាយរងគ្រោះ​ពីការចាញ់បោកនេះ​ តាមរយៈ​ការថតរូប​អាក្រាតរបស់ខ្លួនឯង​ផ្ញើទៅឲ្យ​ជនប្រព្រឹត្ត​បន្ទាប់ពី​ជនប្រព្រឹត្ត​សន្យារៀបការ​  ប្រាប់ថា​ស្រឡាញ់ និងសន្យា​ឲ្យជាកាដូ​ជាដើម​។ ​ចំណែក​ជនប្រព្រឹត្ត​ភាគច្រើន​ជាមនុស្សចាស់​មានអាយុ​ចន្លោះពី​៤៥ទៅ៥០ឆ្នាំ​។​ បន្ទាប់ពី​ បានរូប​អាក្រាត​របស់កុមារ​ហើយ​ ជនទាំងនេះ​បានគំរាម​ជំរិតទារប្រាក់​ ព្រមាន​បង្ហោះរូប​អាក្រាត​ជាសាធារណៈ ​និងគំរាម​ឲ្យកុមារ​បន្តថតរូបអាក្រាត​បន្ថែមទៀត​។ ​បើតាម​អ្នកជំនាញ​ នេះជាទម្រង់ថ្មី​នៃការរំលោភបំពាន​ផ្លូវភេទ​លើកុមារ​ដែលមានភាព​សាហាវជាង​ការប្រព្រឹត្ត​ដោយផ្ទាល់​របស់​ជនល្មើស​ទៅទៀត​។