អ្នក​លក់ដូរ​កំប៉ិក​កំប៉ុក​តាម​ដង​ផ្លូវ​ពេល​យប់​ដាច់​បាយ ​ក្រោយ​បម្រាម​គោចរ​រយៈពេល​២សប្តាហ៍​ចន្លោះ​ពី​ម៉ោង​៨​យប់​ ដល់​ម៉ោង​៥​ព្រឹក​ចាប់​ពី​ថ្ងៃ​ទី​០១​ ខែ​មេសា ​រហូត​ដល់​ថ្ងៃ​ទី​១៤​ ​ខែ​មេសា​ឆ្នាំ២០២១​។ លោក​ វន ពៅ ​ប្រធាន​សមាគម​ប្រជាធិបតេយ្យ​ឯករាជ្យ​សេដ្ឋកិច្ច​ក្រៅ​ប្រព័ន្ធ​បាន​លើក​ឡើង​ថា​ រដ្ឋបាល​រាជធានី​ភ្នំពេញ​គួរ​តែ​មាន​កញ្ចាប់​ថវិកា​ សម្រាប់​ជួយ​ដោះស្រាយ​ជីវភាព​ ដល់​អ្នក​លក់​ដូរ​ពេល​យប់​នៅ​តាម​ដង​ផ្លូវ​ទាំង​នោះ​ ដោយសារ​ពួក​គាត់​រក​១​ថ្ងៃ​ សម្រាប់​ដោះស្រាយ​ជីវភាព​១​ថ្ងៃ​តែ​ប៉ុណ្ណោះ ​ប្រសិន​ជា​មិន​មាន​ជំនួយ​ក្នុង​រយៈពេល​១៤​ថ្ងៃ​នេះ​ទេ​  អ្នក​លក់​ដូរ​កំប៉ិក​កំប៉ុក​តាម​ដង​ផ្លូវ​ពេល​យប់​នៅ​តាម​ដង​ផ្លូវ​ទាំង​អស់​នឹង​ដាច់​បាយ​មិន​ខាន​ឡើយ​។