ទី​អារ៉ាម​នៅ​ក្នុង​ប្រទេសកម្ពុជា​បាន​ទូងស្គរ គោះ​ត្រដោក វាយគង រគាំង ជួង  តាម​សាចរ​ណែនាំ​របស់រដ្ឋាភិបាល​កាល​ពី​ថ្ងៃ​ទី​២៣​មិនា ដើម្បី​ដាស់​ស្មារតី​ប្រជាពលរដ្ឋ​ចូល​អនុវត្ត​វិធានការ​បង្ការ​កូវីដ​១៩។ ការទូង​ស្គរ គោះត្រដោក វាយគង រគាំង ជួង  នៅ​គ្រា​នេះ​ធ្វើ​ឲ្យ​ចាស់ៗ​ឆ្លង​កាត់​សង្គ្រាម​នឹក​ឃើញ​ដល់​ការទូងស្គរ​និង​គោះត្រដោក នា​សម័យ​មុន​ដែល​ជា​សញ្ញា​អាសន្ន​នាំ​មក​នូវ​សង្គ្រាម ចោរប្លន់​ និង​ហេតុផលសាមញ្ញ​មួយ​ចំនួន​ទៀត​សម្រាប់​កសិករ។