នៅ​ក្នុង​កិច្ចប្រជុំកំពូល​រយៈពេល ២ថ្ងៃ​ពី​ថ្ងៃទី១៨​ដល់​ថ្ងៃទី១៩ ធ្នូ​ដែល​រៀបចំ​ក្នុង​ប្រទេស​ប៉ាគីស្ថាន ក្រុម​ប្រទេស​សមាជិក​នៃ​អង្គការ​កិច្ចសហប្រតិបត្តិការ​អ៊ីស្លាម​បាន​សន្យា​ជួយ​ស្រោចស្រង់​អាហ្វហ្កានីស្ថាន​ពី​វិបត្តិមនុស្សធម៌។ តាំង​ពី​ពួក​តាលីបង់​បាន​ឡើង​កាន់​អំណាច​ជា​ថ្មី​នា​ពាក់កណ្តាល​ខែ​សីហា នេះ​ជា​លើកទី១ ដែល​អង្គការ​កិច្ចសហប្រតិបត្តិការ​អ៊ីស្លាម​បាន​រួម​ប្រជុំ​គ្នា។ តែ​អ្វី​ជា​ការ​កត់សម្គាល់​មក​ដល់​ពេល​នេះ នៅ​មិន​ទាន់​មាន​ប្រទេស​ណា​មួយ​បាន​ទទួល​ស្គាល់​របប​តាលីបង់​ជា​ផ្លូវការ​នៅ​ឡើយ​ទេ។ តើ​វា​ល្មម​ដល់​ពេល​ដែល​សហគមន៍​អន្តរជាតិ​ផ្តើម​ទទួល​ស្គាល់​របប​ថ្មី​នៅ​អាហ្វហ្កានីស្ថាន​ហើយ ឬ?។