ande adjesutno programo shaj te shunen sar sas arachi ando Göteborg thaj ando Stockholm pe memoraciako djes 27 januari kana ghindoj pe e manush so mule tela o dujto ljumako maripe.

Shaj te shunen so o Rom o Viktor famulsson phenel pa e lovenge kompensaci so e manush line pa dujto ljumako maripe.

27 januari sas o djes khaj sas te serel pe kodo so kerdas pe tela o dujto ljumako maripe, numa si vi kaver vrami so si te serel pe.

Si pindzardo ke but rom sas mudarde vi kana sas o maripe pe purani jugoslavia, shunena so jekh romni vorbij pa kodo so voj naklas...

Numa zhi pun mukasam sa kadal reportazhi tumenge keras kade ke das tumen e maj aktualnie nevimata anda Shvedo.