Migarciako Ministari o Tobias Billström vorbil palji kritika savi avilji kotar o Wikileaks kana sas andi Amerikaki ambasada ando Irak 2007 bersh. Vov phenol kaj vov numa ljundjarol e aziloski politika sar so si hramome ando Shvedo. Numa akana but djane roden ljestar te mukhol piri buchi sar ministari.

EU- thaj demokratiminister Birgitta Ohlsson vorbil amenge pa o Ungriko them save si sherutnipe ando EU shov chon, voj dol atveto pa o puchibe so e EU ministaria ka keren kana ka vorbinen kotar e Roma thaj javer minoritetia kana ando Ungriko them si but extermen thaj xenofobiake partie sar exemplo Jobik..... Sostar o Ungriko them vazol akava puchibe korkori pestar?

Ano kava kurko tema no radio romano si o förintelse minesdag/Holocaust ka ashunen e romane familjie save naklje o dujto ljumiako maripe sar roma. So von saren? Thaj so kerdape sostar e nacistia kamlje te mudaren e romen ano dujto ljumako maripe?