På Stord strevde skreddar Rebekka Hansen Gjerde med å finne sin plass i arbeidslivet grunna ein tøff ryggoperasjon. I Skånevik jobba journalist/designar Janne Nerheim med ein idé om lage ein arbeidsplass for flyktningkvinner som treng å jobbe med fag dei er trygge på i ein sårbar livssituasjon der alt anna er nytt. Saman har dei etablert Huldrafjell - ei bedrift som syr barneklede i ein liten fabrikk i Lønningsåsen på Stord. Dei satsar på gjenbruk og utvidar i desse dagar drifta til å også gjelde utleige av gjenbruksklede til barn, og ei abonnementsordning på kleda dei produserer.