D’Judden déi wärend dem 2. Weltkrich zu Lëtzebuerg gelieft hunn, waren etabléiert Lëtzebuerger Familljen, awer och zum Deel Immigranten, déi an den 1930er Joren aus dem Oste komm sinn, fir hei Protektioun virun den Nationalsozialisten ze sichen.  1.200 vun deene 4.000 Judden, déi hei am Land gelieft hunn, sinn an Duerchgangslager op Drancy, Westerbork, Fünfbrunnen,  op Litzmannstadt an de Ghetto oder a Vernichtungslageren an Osteuropa deportéiert ginn. Nëmme ronn 50 Judden aus dem Grand-Duché hunn d’Lager lieweg verlooss.  Haut léiert dir de Gaston Herz kennen, deem seng emouvant Familljegeschicht zu Lëtzebuerg am klénge Medernach ufänkt.