Sexuell an affektiv Gesondheet ass zu Lëtzebuerg nach ëmmer een Nischenthema. Zanter e puer Joer gëtt et de Cesas, deen als nationale Referenzzentrum d‘Bildung an dësem Beräich besser koordinéiere soll. Dës Woch schwätze mir also iwwer Sex – mä net nëmmen doriwwer.

Mir hunn eis ugekuckt, wat fir Projete beim Cesas entstane sinn a wat genee d‘Aufgabe vun dem Zentrum sinn. Mir diskutéieren dann awer och iwwert d‘Fro, wisou sexuell an affektiv Erzéiung grad fir Kanner wichteg ass, an wisou dat Thema awer ëmmer nach immens kontrovers ass. Zum Schluss zéie mir ee Bilan vun den Aktivitéite vum Cesas bis elo a schwätzen doriwwer, wat fir Schwaachstellen et nach ginn a wou Verbesserungsbedarf wier.