នៅក្នុងសុន្ទរកថា​តាមវីដេអូ នៅ​ក្នុង​កិច្ចប្រជុំ​របស់​ក្រុមប្រឹក្សាសន្តិសុខ​អ.ស.ប. កាល​ពីថ្ងៃ​អង្គារ៥មេសា លោក​វ៉ូឡូឌីមៀរ ហ្សេឡេនស្គី ​បាន​រិះគន់​ក្រុមប្រឹក្សា​សន្តិសុខ​​ថា មិនមាន​សមត្ថភាព​ក្នុងការ​រក្សា​សន្តិសុខ​​របស់​ប្រទេស​ជា​សមាជិក​អ.ស.ប ហើយ​ថា ការឈ្លានពាន​ និង​ឧក្រិដ្ឋកម្ម​​ទៅលើ​អ៊ុយក្រែន​ត្រូវ​បាន​ធ្វើឡើង​ដោយ​​មហាអំណាច​​ក្នុង​ក្រុមប្រឹក្សា​សន្តិសុខ​ខ្លួនឯងផ្ទាល់។ ហេតុដូច្នេះហើយ​បាន​ជា​លោក​ប្រធានាធិបតី​អ៊ុយក្រែន​ទាមទារ​ឲ្យ​បណ្តេញ​រុស្ស៊ី​ចេញ​ពី​ក្រុមប្រឹក្សា​សន្តិសុខ។ តើ​នេះ​ជារឿង​ដែល​អាច​ទៅរួចដែរឬទេ?