គណបក្ស​កាន់អំណាច​នៅ​ស៊ុយអែត​បាន​ចាប់ផ្តើម​បើ​កការជជែកដេញដោលផ្ទៃក្នុងបក្ស កាល​ពីថ្ងៃចន្ទ ទាក់ទង​នឹង​សមាជិកភាព​អូតង់។ ចំណែក​ហ្វាំងឡង់វិញ ចុះផ្សាយ នៅថ្ងៃ​ពុធ របាយការណ៍​យុទ្ធសាស្ត្រការពារជាតិ​ដ៏​សំខាន់​មួយ ដែល​​​បើក​ផ្លូវ​ឲ្យ​មាន​ការ​ជជែក​ដេញដោលគ្នា​នៅសភា ជុំវិញលទ្ធភាព​សុំចូល​​ជា​សមាជិក​បក្សសម្ព័ន្ធអូតង់ ដោយ​នាយករដ្ឋមន្រ្តីហ្វាំងឡង់​​​បាន​លើកឡើង​​ថា ហ្វាំងឡង់​គ្រោង​នឹង​សម្រេច​លើ​រឿងនេះ នៅ​ក្នុង​រយៈពេលប៉ុន្មានសប្តាហ៍ខាងមុខ។

ក្រៅពី​សំណួរ​​ថា តើ​ហ្វាំងឡង់ និង​ស៊ុយអែត អាច​នឹង​សម្រេច​សុំចូល ឬ​មិន​សុំ​ចូល​ជា​សមាជិក​អូតង់ គេ​ក៏​គួរមើល​ពី​លទ្ធភាព​​ខាង​អូតង់​វិញផងដែរ​ថា​ តើ​អាច​នឹង​ទទួល​យក​ប្រទេស​ទាំងពីរ​នេះ​ជា​សមាជិក​ដែរ​ឬ​ក៏​យ៉ាងណា? តើ​ដំណើរការ​ទទួល​សមាជិកថ្មី​របស់​អូតង់​នេះ វា​មាន​លក្ខណៈស្មុគស្មាញ​ប៉ុណ្ណា?