នៅ​យប់​ថ្ងៃទី២៨ ធ្នូ ឆ្នាំ ២០២១ កន្លង​ទៅ​ថ្មីៗ​នេះ ប្រមុខ​រដ្ឋអំណាច​ប៉ាឡេស្ទីន​លោក​ម៉ាមូដ អាបាស់​បាន​ជួប​សន្ទនា​ជាមួយ​រដ្ឋមន្រ្តី​ការពារជាតិ​អ៊ីស្រាអែល​លោក​បេននី ហ្កង់។ ជំនួប​នេះ​ត្រូវ​បាន​រៀបចំ​នៅ​ក្នុង​គេហដ្ឋាន​របស់​លោក​បេននី ហ្កង់​ក្នុង​ទឹកដី​អ៊ីស្រាអែល។ តាម​សេចក្តីប្រកាសព័ត៌មាន​ផ្លូវការ​របស់​អ៊ីស្រាអែល កម្មវត្ថុ​នៃ​ជំនួប​រវាង​លោក​អាបាស់ និង​លោក​ហ្កង់​ផ្តោត​សំខាន់​លើ​ការ​សម្របសម្រួល​សន្តិសុខ និង​សំណុំរឿង​មនុស្សធម៌​មួយ​ចំនួន។ ក្រៅ​ពី​ប្រធានបទ​នេះ តើ​មាន​ប្រធានបទ​ផ្សេង​ដែរ ឬ​ទេ និង​ថា តើ​មាន​អ្វី​ពិតប្រាកដ​នៅ​ពី​ក្រោយ​ជំនួប​រវាង​ប្រមុខ​រដ្ឋអំណាច​ប៉ាឡេស្ទីន និង​រដ្ឋមន្រ្តី​ការពារជាតិ​អ៊ីស្រាអែល?។