នៅ​ថ្ងៃ​អង្គារ ទី១៨ មករា ប្រមុខ​អង្គការ​សុខភាព​ពិភពលោក WHO លោក​ទេដ្រូស​បាន​ព្រមាន​ប្រឆាំង​នឹង​គំនិត​ដែល​ថា អូមីក្រុង​ដែល​កំពុង​ឆ្លង​ខ្លាំង និង​ឆ្លង​លឿន​ជា​មេរោគបំប្លែងខ្លួន​ស្លូត។ តាម​លោក​ទេដ្រូស កំណើន​ករណី​អូមីក្រុង​អាច​បង្ក​ឲ្យ​មាន​មេរោគបំប្លែងខ្លួន​ថ្មីៗ​ទៀត។ ការ​លើក​ឡើង​របស់​ប្រមុខ WHO បាន​ធ្វើ​ឡើង ចំ​ពេល​ដែល​មាន​អ្នក​ជំនាញ​ខ្លះ​បាន​លើក​ឡើង​ថា ការ​ឆ្លង​រាលដាល​អូមីក្រុង​អាច​នឹង​ធ្វើ​ឲ្យ​មាន​ភាពស៊ាំរួម​ដែល​អាច​ឈាន​ទៅ​បិទបញ្ចប់​វិបត្តិ​កូវីដ១៩ ទាំង​ស្រុង។ ជា​ថ្មី​ម្តង​ទៀត ប្រមុខ WHO បាន​លើក​ឡើង​ពី​វិសមភាព​ក្នុង​ការ​ចាក់​វ៉ាក់សាំង​បង្ការ​កូវីដ១៩។