អង្គការ​សុខភាព​ពិភពលោក WHO បាន​ព្រមាន​ក្នុង​ថ្ងៃ​អង្គារ ទី៤ មករា​ថា កំណើន​ករណី​ឆ្លង​ដោយ​អូមីក្រុង​ក្នុង​លោក​អាច​បង្កើន​ឲ្យ​មាន​ហានិភ័យ​នៃ​ការ​លេច​ចេញ​នូវ​មេរោគបំប្លែងខ្លួន​ថ្មី​ទៀត​ដែល​មាន​លក្ខណៈ​គ្រោះថ្នាក់​ខ្លាំង។ ការ​ព្រមាន​របស់ WHO បាន​ធ្លាក់​មក ខណៈ​ដែល​មាន​ប្រទេស និង​មនុស្ស​កាន់​តែ​ច្រើន​កំពុង​បន្ត​ឆ្លង​ដោយ​អូមីក្រុង។ គួរ​រម្លឹក​ថា តាំង​ពី​បាន​លេច​រូបរាង​នៅ​អាហ្រ្វិកខាងត្បូង​ជាង ១ខែ មក អូមីក្រុង​បាន​ក្លាយ​ជា​មេរោគ​បំប្លែងខ្លួន​ភាគ​ច្រើន​លើស​មេរោគបំប្លែងខ្លួន​ដែលតា។ តែ​មាន​ការ​កត់សម្គាល់​ឃើញ​នៅ​ពេល​នេះ​ថា អូមីក្រុង​បាន​បង្ក​គ្រោះថ្នាក់​តិច​ជាង​ដែលតា។