Hann fær hugskot alla tíðina, og veit ikki frá byrjan, um tey enda sum ein yrking ella ein mynd, tí bæði verða fest á pappír við somu hond, men nógv av úrslitunum eru viðmerkingar til samfelagið, sum tað sær út júst ta løtuna.

Tóroddur Poulsen letur fríggjadagin upp framsýning í Perluni í Vágsbotni. Ætlanin var, at framsýningin skuldi lata upp á mentanarnáttini í Havn, men hetta gjørdist sum kunnugt av ongum.