Adjes ando Radio Romano shaj ashunen sar o Migrationsverket lel kritika khatar friviligorganisatcie pala kudo ke chi kheren dosta mishto lengi rodipe pe zuvlia so roden asylo.

Vi shaj ashunen sar aratchi sas jekh demostratcia ando Stockholmo te avel jekh maj humanitarno situatcia kharing e but Eu-migrantoria so aven ando Shvedo.

Aj pe agor shaj ashunen o pervo khotor anda e paramitcha "E suri karagulengi dar" so si te zal intrego kurko anda kudo ke si Höstlov e chavorenge.