Ando adjesutno programo:

Rädda barnen kherde jek seminarium kaj sas inkherdo adjes pa e romane shavorenge chachimata ando Europahuset ando Stockholm. Amaro repoteri o Adam Parno Szoppe sas po than te del tumen jek artiklo.

Po agor ando paluno shon kezdisardas e policia ando Malmö jek buchi kusa o Romskt informations och kulturcenter ando foro. Arachi sas le duje parrtijen jek khidipe, pa soste thaj sostar shaj shunen maj angle ando programmo.

Thaj po agor shaj shunen jek artiklo pa Sveriges romers socialdemokratiska förening vaj le Svediska romengo socialdemokraticno fereningo ande Solna kaj kheren buchi politicnie pe romane pushimata. Amensa po telefono sas o sherutno rom o Jan Ottosson.