Nevipe pa e roma ani Evropa

E Rumunijako presidento o Trajan Basesku, ka pochinol starfo so phenda chore vorbe pe roma, thaj gade phagla e deklaracia savi andape ani Slovenia kan chidle e EU thema.

Thaj akava si angluno historiajko akto kaj jekh presidento pochinol starfo so phenda chores pa e roma. E EU migrantia koatr e Rumunija sas atakerime ani piri kampinga ano Fredrikstad ano them o Norvego, but roma save train ando norvego kerde reakcia pe akava akto.

Sar o Kosovo ulo korkori po them nakhlas 6 bersh, numa sar si o trajo e romango kobor e roma reslje te integrinenpe ano them o Kosovo? Shaj te ashuen so e roma phenen koatr piro djivdipe ano Kosovo.

Sar shaj e trene roma te sichon romane te na bistren pe dijaki chib ano them o Ungro.Shaj te ashune so phenol o Hauser Filip, lje si jekh ideja sar te arkholpe e romani chib maj dur ano them o Ungro mashkare e terne roma.