Adjes ando radio romano shaj ashunen pe sar si vorta adjes de duj djes ke sas o attentao ando Norvego pe o tan Utöya kaj sas mundarde 69 manush aj vi sas mundarde 8 jene ando foro Oslo khatar o extrimisto Anders Behring Breivik.

Majdur vi shaj ashunen pe sar ando Shvedo naj dosta janglipe pa manush kaj aven sar asylantoria ando Shvedo aj si tortyvano ando lengo thema.

Aj pe agor ando programmo shaj ashunen pe sar majbut aj majbut terne vaj glati si pra tule ando Shvedo aj len e chansa te len cukro vaj diabetes.