djes ando radio romano shaj ashunen sar ando Kosovo sas alosardo jekh nevo romano parto andre ando govermento aj vi sar sas lashardo o gindo ke sas chorimata kharing e glasoria ando alosaripe. Majdur shaj ashunen sar de jekh bersh parpale 60 rom sas avri shudine anda pengi khera aj akhana e organisatcia Romani Krisi si te zutin kadala rom juriditchno. Vi shaj ashunen sar ando jekh gav avrial o foro Sevilla ando Spanja sas tele pabarde e roemngi khera aj sar e media phenel ke kado si e romengi dosh. Aj pe agor shaj ashunen pe sar e romani butchia ando ungro xasavol aj maj pares si e romenge te arakhen butchia so von zanen maj feder.