Amerikanitsko presidento Barack Obama phendas aratchi ke avel ando Shvedo 4-5 september, anglunimastar phenelas pe ke o president Obama avel ando Shvedo ke vov chi kamel te tradel ande Russia numa akanak phenel pe ke vov avel ando Shvedo te zurarel e amerika e relatcia kusa o EU.

Maj but studentura anda kaver thema aven ande shvedicka universitetura numa vi te aven maj but si kodo maj cerra sar de e vrama kana kado sas pe jiva e manushenge anda kaver thema.

Kana si milaj kamen but manush te shutchion thaj te keren diferentne dieti te birin te aven maj shuke thaj maj shukar.

Palune bersh sas dieti sar Atkins thaj LCHF dieta. Akanak sikaven roditora anda Shvedo ke kadal dieti shaj te den negativno effekto pe manushesko sastipe.

Adjes si o Eid ke o sunto shion ramadan agorisalas thaj but manush mukhen akanak penge postura, shunena maj but pa kado djes.