- Eg kendi tað sum stóran heiður, og tað hitaði og fjálgaði.

Soleiðis sigur Flóvin Tyril, sum tók ímóti serstøku virðislønini, sum Jenis av Rana valdi at lata Leirkerinum, tá ið mentanarvirðislønir landsins vóru latnar. Nakað av kjaki hevur verið um virðislønina, men tað leggur hann einki í.

- Heilt frá ungum árum hava vit verið málsliga tilvitaðir, tí føroyskt var so at siga eitt niðurundirkomið mál. Vit vildu hava broyting í, og vit vildu gera okkara íkast til tað, greiðir hann frá.