Allama Reads

002 Gul-e-Rangeen The Colorful Rose

Listen Later

(Bang-e-Dra-002) Gul-e-Rangeen (The Colorful Rose)

گل ِ رنگيں

تُو شناسائے خراشِ عقدۂ مشکِل نہيں

اے گلِ رنگيں ترے پہلو ميں شايد دل نہيں
زيبِ محفل ہے ، شريکِ شورشِ محفل نہيں
يہ فراغت بزمِ ہستی ميں مجھے حاصل نہيں

اس چمن ميں ميں سراپا سوز و سازِ آرزو
اور تيری  زندگانی  بے  گدازِ  آرزو

توڑ لينا شاخ سے تجھ کو مرا آئيں نہيں
يہ نظر غير از نگاہِ چشمِ صورت بيں نہيں
آہ! يہ دستِ جفا جُو اے گلِ رنگيں نہيں
کس طرح تجھ کو يہ سمجھاؤں کہ ميں گلچيں نہيں

کام مجھ کو ديدۂ حکمت کے اُلجھيڑوں سے کيا
ديدۂ بلبل سے ميں کرتا ہوں نظّارہ ترا

سَو زبانوں پر بھی خاموشی تجھے منظور ہے
راز وہ کيا ہے ترے سينے ميں جو مستور ہے
ميری صورت تو بھی اک برگِ رياضِ ُطور ہے
مَيں چمن سے دور ہوں تُو بھی چمن سے دور ہے

مطمئن ہے تو ، پريشاں مثلِ بُو رہتا ہوں مَيں
زخمئ شمشيرِ ذوقِ جستجو رہتا ہوں مَيں

يہ پريشانی مری سامانِ جمعيّت نہ ہو
يہ جگر سوزی چراغِ خانۂ حِکمت نہ ہو
ناتوانی ہی مری سرمايۂ قوّت نہ ہو
رشکِ جامِ جم مرا آ ينۂ حيرت نہ ہو

يہ تلاشِ متّصل شمعِ جہاں افروز ہے

توسنِ ادراکِ انساں کو خرام آموز ہے

...more
View all episodesView all episodes
Download on the App Store
Allama ReadsBy One Mission