Þátturinn verður helgaður tónlist sem hefur verið samin út frá sögunni um Öskubusku, en óperan „Öskubuska“ eftir Rossini verður flutt um páskana í hljóðritun frá Metrópólitan-óperunni í New York. Jules Massenet samdi líka óperu upp úr ævintýrinu árið 1899 og Sergei Prokofíev samdi frægan ballett um Öskubusku á árunum 1940 til 1944. Í ballettinum „Þyrnirós“ eftir Tsjaíkovskí birtist Öskubuska sem aukapersóna og árið 1993 samdi breski tónsmiðurinn Philip Feeney einnig ballett um Öskubusku. Umsjón með þættinum hefur Una Margrét Jónsdóttir.