حلقة اليوم هي حلقة خاصة جداً جداً جدً… لأنه ضيفنا اليوم ”بائن“ عليه إنه إنسان ”زوق“ و ”بسيط“ في نفس الوقت! وأخلاقة أخلاق ”ملك“ وقدراته الصوتية تطربك أكثر من ”ريكو“.سافرنا للقاهرة مخصوص عشان نقعد وندردش معاه وفي المقابل أستقبلنا أحسن إستقبال وأهدانا واحدة من أحلى حلقات كرتون كرتون… ضيف اليوم هو الممثل وفنان الدوبلاج الأستاذ إبراهيم غريب. اللي قدم لنا بعض أشهر الشخصيات الكرتونية اللي كبرنا معاها زي ”الملك جوليان“ و البطريق ريكو من فيلم مدغشقر، السلحفة ”كروات“ من فيلم البحث عن نيو، الروبوت ”بائن“ من فيلم كوكب الكنز، و نجم البحر ”بسيط“ من مسلسل سبونج بوب سكوير بانتس.وهذه بس بعض من أعماله وفي غيرها كثير… لكن مافي داعي نضيع وقتنا في الشرح لأنه الحلقة كانت أحلى من إننا نوصفها هنا! ولأنه جلستنا كانت جداً جميلة ودخلنا في مواضيع جداً متشعبة… سجلنا لكم بدل الحلقة… حلقتين! هذه الحلقة هي الجزء الثاني من جلستنا مع الفنان إبراهيم، ففي حال ما سمعتوا الجزء الأول اللي نشرنا الأسبوع اللي فات ننصحكم تسمعوه أول وبعدين تسمعوا الحلقة هذه.وممكن تتواصلوا مع الفنان إبراهيم غريب على شبكات التواصل الإجتماعي على حسابه الشخصي: @iGhareib