မင်္ဂလာပါ။ သံစဉ့်ရဲ့ လေလှိုင်းပေါ်ကအိမ်ကလေးကို လာလည်တဲ့ ချစ်ဧည့်သည်အားလုံး နှစ်သစ်မှာ ဘေးရန်ကင်းကွာ ရွှင်လန်းချမ်းမြေ့ကြပါစေလို့ သံစဉ်နဲ့ဘုန်းမာန်တို့က ဆုတောင်းလိုက်ပါတယ်။

သံစဉ့်အိမ်အစီအစဉ်မှာ ဒီနေ့တော့ . . .

ခွန်အားဖြည့်သီချင်းလေးတစ်ပုဒ်

သမိုင်းဖတ်လို့ရတဲ့အသိကဏ္ဍ နဲ့

ရဟန်းမှစစ်သားသို့ ကဏ္ဍတို့ကို နားဆင်ရပါမယ်။

အပတ်စဉ်စနေနေ့တိုင်းထုတ်လွှင့်မယ့် သံစဉ့်အိမ်အစီအစဉ်လေးမှာ ဗဟုသုတတွေကိုဝေမျှရင်း အချင်းချင်း အားပေးကြမယ်။ သမိုင်းဖတ်လို့ရတဲ့အသိတွေကနေ ပညာယူကြမယ်။ ရင်ထဲမှာမျိုသိပ်ထားရတာတွေကို စာတွေရေးပို့ပြီး ရင်ဖွင့်ကြမယ်။ တစ်ခါတလေ သီချင်းလေးတွေနဲ့ နှစ်သိမ့်ပေးကြမယ်။

လွှင့်ပြီးသား သံစဉ့်အိမ် အစီအစဉ်တွေကို  Facebook, Apple podcast, Google podcast,  Anchor နဲ့  Sportify တို့ လို့ podcast အပလီကေးရှင်းတွေမှာ ပြန်နားထောင်လို့ရပါတယ်။

ဘယ်မှာ ဖြစ်ဖြစ် သံစဉ့်အိမ်ဆိုပြီး မြန်မာလို ရေးထည့်ပြီး ရှာရင်တွေ့ရမှာပါ။ သံစဉ့်အိမ်ကိုလာလည်တဲ့အတွက်​ ကျေးဇူးတင်ပါတယ်။