Síðastliðið haust kom út bókin Tónlist liðinna alda, íslensk handrit 1100-1800 eftir Árna Heimi Ingólfsson tónlistarfræðing. Þar fjallar Árni Heimir um tónlist sem finna má í íslenskum handritum þeirra 700 ára sem tímabilið 1100 til 1800 spannar. Í tengslum við bókina má finna hljóðritanir af 36 lögum á Spotify og öðrum tónlistarveitum undir titli bókarinnar. Rætt er við Árna Heimi og flutt lög úr bókinni, en sum þeirra hafa aldrei verið hljóðrituð fyrr. Umsjón með þættinum hefur Una Margrét Jónsdóttir.