Та Испани хэлийг Өмнөд Америкын аль ч оронд очоод сурах боломжтой. Колумбиа оронд засгийн газрын тэтгэлэгээр хэл суралцах боломж мөн бий. Энэ удаагийн дугаарт үүргэвчтэй аялагч, Шандоны их сургуульд Хууль эрх зүйн мастерын зэргээр суралцаж буй Д.Занабазар оролцов. Өөрийн гадаад орноор аялсан, суурьшин амьдарсан, Испани болон Хятад хэл сурсан, оюутан насандаа том хотод амьдран өөрийн хийж үзээгүй зүйлсийг үзэж туулж өнгөрүүлсэн талаараа яриа өрнүүллээ. Монгол баатрын дүрээр кинонд хүртэл тоглоод амжсан түүний ярианаас аль нэг орон руу хэрхэн явах зөвлөгөөнөөс илүүтэй, оюутан насыг хэрхэн өнгөрөөх хэрэгтэйг үлгэрлэнэ гэж найдъя.