Tá mé ag iarraidh Michael Gerard a chur faoi agallamh ón bhomaite gur chinn mé go gcuirfinn tús leis an phodchraoladh seo. Bhuail mé leis agus mé ar chleachtadh teagaisc lena rang bunscoile aus chuaigh an dearcadh agus an díograis a bhí aige go mór i bhfeidhm orm. Ó shin, tá Michael Gerard éirithe as an teagasc agus labhraím leis agus é ar tí tus a chur le ré nua ina shaol: MGD Coaching. Is coitseáil saoil agus feidhmíochta (life & performance coaching) atá i gceist agus beidh sé á seoladh ar an seachtain seo chugainn. Pléann muid neart rudaí eile fosta: na leabhráin spóirt atá scríofa aige atá anois in úsáid ar fud na cruinne, an leabhar a d'fhoilsigh sé bunaithe ar na cluichí CLG do pháistí, an tábhacht a bhaineann le pobal agus caidrimh, agus conas na caidrimh is tábhachtaí i do shaol a chothú. Pléisiúr amach is amach a bhí sa chomhrá seo agus tá súil agam go mbainfidh sibh sult as. Uppa good guys!

Lean @mgdcoaching le níos mó eolais a fháil agus más suim leat coitseáil a fháil ó Michael Gerard!

Lean muid ar Instagram, Tiktok agus Twitter @silimthatpod

Déanann Kathryn Ní Mhaoláin, agus a n-aíonna galánta, plé ar an saol, a gcuid taithí agus comhairle agus ar neart eile in "Sílim that...", podchraoladh nua Gaeilge.

Le tacaíocht ó Gael Linn