Nesta ocasión pasa polos micros de Radio Manoplas Beatriz Lorenzo Caamiña.

Chegamos  ás dez entrevistas coa compaña de Bea que medrou nunha parroquia de  Porriño para logo vir a Vigo. Na conversa falamos con ela sobre o  empobrecemento que a acompaña desde hai anos o que a levou a ser boa  coñecedora dos servizos sociais. Na procura de alternativas coincidimos  na Oficina de Dereitos Sociais - Coia. No libro "Renda Básica das iguais  e feminismos" explica -con claridade- o seu proceso de apoderamento no  texto titulado: "Como pasar de usuaria a persoa sen morrer no intento".

Na  conversa falamos sobre a conexión entre pobreza e saúde, no seu caso  expresada en forma de sufrimento psíquico. Pechamos o falangullo coa  peza que recomenda Bea: "E ti, só ti" de el Diluvi con Sés.

Botádenos unha man espallando este proxecto. Podedes seguirnos en Ivoox, Archive e Spotify.

+info > http://alicerces.arkipelagos.net