Í þættinum verður leikin fiðlusónata nr.4 eftir Charles Ives og einnig verða flutt atriði úr ballettinum „Appalachian Spring“ (Vor í Appalasíufjöllum) eftir Aaron Copland, en bæði tónverkin eiga það sameiginlegt að sækja efnivið til amerískra sálmalaga. Copland notaði trúarsönginn „Simple Gifts“ eftir Joseph Brackett í verk sitt og Ives notaði sönginn „At the River“ eftir Joseph Lowry. Báðir trúarsöngvarnir eru frá 19. öld, en tónverkin frá 20. öld, sónatan samin á árunum 1911-16 og ballettinn á árunum 1943-4. Umsjón með þættinum hefur Una Margrét Jónsdóttir.