Et mos zo wean. Nummer 13 op de lieste köm op 'n 13. meart bie ons kwaken. In 'n 31. podcast. En dan dut he ook nog bie 'n vootbal in teksjelsjor van 31. Verleden joar beklumme wiej de hitliesten met onze knaller 'Cowboy Buffelbert'. Et leaverden de familie subiet nen niejen skeldnaam op. Wetholder Buffelbert van Riessen is neet te kwoad um der in et heuvdkwarteer van WATATA oaver te kommen kuieren. Wiej vroagt em de bokse van et gat oaver zinne darteendekamerambities en zinne sportiviteit. En wat zinne levelingskluur is. Dat soort dinge. En hee gef der nog mooi antwoord op ook. A'j nog neet wussen woerop a'j mossen stemmen, dan wee'j et non!